दोस्रो विश्व युद्धका सबैभन्दा वृद्ध योद्धा रिचर्डको ११२ वर्षको उमेरमा निधन

पुष १४, २०७५ शनिबार १०:१०:५१ | एजेन्सी

अमेरिकाका सबैभन्दा वृद्ध व्यक्ति तथा द्वितीय विश्व युद्धका सबैभन्दा वृद्ध योद्धाका रुपमा परिचित रिर्चर्ड ओवर्टनको ११२ वर्षको उमेरमा निधन भएको छ ।

ओवर्टनको शुक्रबार अमेरिकाको टेक्सासमा निधन भएको हो । दोस्रो विश्वयुद्धको समयमा उनले प्रशान्त क्षेत्रमा युद्ध सञ्चालन तथा समुद्री तटमा अवतरण गराउनेजस्त काममा सहभागी भएका थिए ।

उनलाई सन् २०१३ मा तत्कालीन अमेरिकी राष्ट्रपति बाराक ओबामाले भेट्रान डेमा सम्मानित पनि गरेका थिए ।

ओवर्टन आफ्नो लामो आयुको श्रेय भगवानलाई दिन्थे । साथै उनले आफू लामो समय बाँच्नुमा सिगार र रक्सीको पनि भूमिका रहेको बताउँथे ।

एक स्थानीय टेलिभिजनसँगको कुराकानीमा उनले भनेका थिए, ‘मैले १८ वर्षको उमेरदेखि सिगार खाँदै आइरहेको छु । अहिले पनि म दैनिक १२ वटा सिगार पिउँछु ।’

ओवर्टनको जन्म सन् १९०६ मा भएको थियो । उनले आफ्नो जीवनको अधिकांश समय अस्टिनमै बिताए । गएको वर्ष उनको १११औँ जन्मदिनको अवसरमा अस्टिन सिटी काउन्लि स्ट्रीटको नाम परिवर्तन गरेर रिर्चड ओवर्टन एभेन्यू राखिएको थियो । जहाँ उनले ७० वर्षभन्दा बढी समय बिताएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्