एडिलेड स्ट्राइकर्सका महत्वपूर्ण खेलाडी राशिद खानले सिड्नी थन्डर्सविरुद्धको खेल आफ्ना पिताप्रति समर्पित गर्ने भएका छन् । 

आइतबार रातिमात्र राशिद खानको पिताको मृत्यु भएको थियो । सोमबार बिहान राशिदले ‘आफ्नो जीवनको सबैभन्दा महत्वपूर्ण व्यक्ति गुमाएको’ भन्दै ट्वीट गरेका थिए ।

Today I lost the most important person in my life,father-the everlasting candle.Inna lillahi wa inna ilayhi raji'un.
Now I know why u always asked me to be strong,bcz u knew that today I would need the strength to bear your loss.Will be always in my🤲🏼I miss u #plztalktomeOnce😢😢 pic.twitter.com/BGIHaqKVbx

— Rashid Khan (@rashidkhan_19) December 30, 2018

पिताको मृत्युपछि उनी खेल्ने वा नखेल्ने भन्ने शंकाबीच सिड्नीविरुद्धको एघार सदस्यीय टिममा राशिदको पनि नाम आएको थियो ।

एडिलेड स्ट्राइकर्सले पहिले ब्याटिङ गर्दै २० ओभरमा ४ विकेटको क्षतिमा १७५ रन बनाएको छ । अब थन्डर्सलाई सस्तैमा रोक्न स्ट्राइकर्सका बलर राशिद खानको महत्वपूर्ण भूमिका हुने आशा गरिएको छ ।

‘एडिलेड स्ट्राइकर्सले दिएको आजको खेल आफ्नो पिताप्रति समर्पित गर भन्ने सुझाव मान्दै राशिदले खेल्ने निर्णय गरेका हुन्,’ प्रेस विज्ञप्तिमा उल्लेख छ । एडिलेड स्ट्राइकर्सले राशिदको कठिन क्षणणमा समवेदना प्रकट गरेको छ । 

यो सिजनमा राशिदले १४ ओभर बलिङ गर्दै पाँच विकेट लिएर ४१ रन मात्र दिएका छन् ।