अतिक्रमित सरकारी जग्गामा बनाइएका घरमा भातृ संगठनले लगाए रातो चिन्ह

पुष १६, २०७५ सोमबार १७:२२:३८ | दुर्गा उपाध्याय

कञ्चनपुर – कञ्चनपुरको महेन्द्रनगरस्थित सरकारी जग्गामा भइरहेको अतिक्रम खाली गर्न माग गर्दै प्रमुख राजनीतिक दलका भातृ संगठनहरुले संयुक्त अभियान थालेका छन् ।

महेन्द्रनगर नगर विकास समितिको जग्गामा प्रक्रिया मिचेर अवैधानिक तरिकाले निर्माण कार्य भइरहेको भन्दै भातृ संगठनहरुले संयुक्त अभियान थालेका हुन् ।
उनीहरुले नगर विकास समितिका पदाधिकारीले लिजका नाममा अवैधानिक तरिकाले सरकारी जग्गा बेचेको भन्दै त्यसलाई खारेजीको माग समेत गरेका छन् ।

नगर विकासको जमिनमा अवैधानिक तरिकाले निर्माण भएका भवनहरुमा रातो रङ्गको चिन्ह लगाएर अतिक्रमणविरुद्ध सांकेतिक आन्दोलनमा उत्रिएको अखिल क्रान्तिकारीका नेता चन्द्रकान्त भट्टले बताउनुभयो । उहाँले नगर विकास समितिका केही व्यक्तिले मनोमानि ढङ्गले सरकारी जग्गा आफ्ना र केही व्यक्तिका नाममा राखेको भन्दै प्रक्रिया मिचेर गरिएका सम्झौता र खरिद बिक्री खारेज हुनुपर्ने बताउनुभयो ।

यस्तै, नगर विकास समितिले प्रक्रिया मिचेर लिजका नाममा जग्गा दिएको र त्यसरी भइरहेका निर्माणलाई रोक्न तथा सरकारी जग्गा खाली गर्नका लागि आफूहरुले संयुक्त रुपमा अभियान थालेको युवा संघका केन्द्रीय सदस्य रामचन्द्र रेग्मीले बताउनुभयो ।

उहाँले यस्ता अवैधानिक अतिक्रमणलाई हटाउन सरकारलाई दवाव दिन आफूहरुले सांकेतिक आन्दोलन स्वरुप त्यस्ता घरहरुमा रातो चिन्ह लगाएको बताउनुभयो । सरकारी जग्गामा भएको अतिक्रम हटाउन सरकारले कुनै पहल नगरे आफूहरुले नै त्यस्ता घरहरु भत्काउने नेपाल तरुण दलका नेता महेन्द्र खड्काले बताउनुभयो ।

यता, अवैधानिक तरिकाले बनेका घरहरु भत्काउन सरकारले वैधानिक बाटो देखाएर टार्न खोजेको भन्दै उनीहरुले जनाएका छन् । यसअघि, जिल्ला प्रशासन कार्यालय कञ्चनपुरले समेत एक महिनाभित्र अवैधानिक तरिकाले बनेका भवन भत्काउन पुस ९ गते आदेश दिएको थियो ।

अन्तिम अपडेट: कात्तिक ११, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्