माइनस १७ डिग्री सेल्सियस तापक्रमका बीच भवनको भग्नावशेषबाट ११ महिने बालकको जीवितै उद्धार

पुष १८, २०७५ बुधबार ६:५९:३१ | एजेन्सी

रुसको माग्नितोगोर्स्क शहरमा यतिबेलाको तापक्रम शून्यबाट १७ डिग्री सेल्सियससम्म झरेको छ ।

सोमबार यहाँ भएको ग्यास विस्फोटका कारण एउटा भवन ध्वस्त भएको थियो । उद्धारकर्मीहरुलाई चिसोका कारण पनि उद्धारमा समस्या भएको थियो । तर मंगलबार एउटा सुखद खबर सार्वजनिक भएको छ । उद्धार दलले भवनको भग्नावशेषमा थिचिएकी एकजना ११ महिने बच्चालाई जीवितै उद्धार गरेको छ ।

स्थानीय सञ्चार माध्यमहरुका अनुसार बच्चा रोएकाके सुनेपछि उद्धार दलले बच्चालाई सबुशल बाहिर निकालेका हुन् । इवान नाम गरेका ११ महिने बालकको अवस्था गम्भीर रहेको र थप उपचारका लागि मस्को पठाइएको बीबीसीले जनाएको छ । उनलाई चिसोले समातेको छ । साथै टाउकोमा चोट लागेको छ भने, खुट्टा फ्रयाक्चर भएको छ ।

रुसी अधिकारीहरुका अनुसार इवानकी आमा सकुशल छिन् । उनले अस्पतालमा आफ्ना छोरालाई भेटेको पनि रुसी अधिकारीहरुले जनाएका छन् ।
भवनको भग्नावशेषबाट अहिलेसम्म आठ जनाको शव निकालिएको छ । अझै पनि ३६ जना बेपत्ता रहेको स्थानीय अधिकारीहरुले जनाएका छन् । यो भवनमा १२० जना बस्ने गरेका थिए ।

रुसी राष्ट्रपति भ्लादिमिर पुटिनले घटनास्थलको निरीक्षण गरी जतिसक्दो चाँडो विस्फोटको कारण पत्ता लगाउन अधिकारीहरुलाई निर्देशन दिएका छन् ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्