केरलको सबरीमला मन्दिरमा दुईजना महिला प्रवेश गरे, शुद्धिकरणका लागि भन्दै मन्दिर बन्द गरियो

पुष १८, २०७५ बुधबार १२:३५:३५ | एजेन्सी

बुधबार बिहान केरलको सबरीमला मन्दिरमा दुई जना महिला प्रवेश गरेका छन् । यसभन्दा पहिले पनि सबरीमला मन्दिरमा महिलाहरु प्रवेश गर्ने प्रयास गरे पनि सफल भएका थिएनन् ।

भारतीय सञ्चार माध्यमहरुका अनुसा बुधबार दुई जना महिला सादा कपडा लगाएर प्रहरी तथा कार्यकर्ताको सुरक्षा घेरामा स्वामि अयप्पाको मन्दिरमा प्रवेश गरेका हुन् ।

केरलका मुख्यमन्त्री पी. विजयनले महिलाहरु मन्दिर प्रवेश गरेको पुष्टि गरेका छन् । उनले भने, ‘उनीहरुलाई हामीले सुरक्षा प्रदान गरेका हौँ ।’

पेरिनथलमन्नाकी बिन्दू र कन्नूरकी कनकदुर्गा गएको महिना पनि मन्दिरभित्र प्रवेश गर्ने प्रयास गरेका थिए । तर कथित रुपमा दक्षिणपन्थीहरुको एउटा ठूलो समूहले रोकेका कारण उनीहरु मन्दिर प्रवेश गर्न असफल भएका थिए ।

भारतीय जनता पार्टी र उसका सहयोगी संगठनले महिलालाई मन्दिरमा प्रवेश रोक्न तथा ‘परम्परा’ लाई यथावत राख्न अभियान चलाइरहेको छ । त्यसैले राज्य सरकारले कडा सुरक्षा व्यवस्था अपनाएको छ ।

महिलाहरु प्रवेश गरेपछि मन्दिरका मुख्य पुजारीले मन्दिर बन्द गरेका छन् । मुख्य पुजारीले मन्दिरको शद्धिकरणका लागि बन्द गरिएको प्रहरीसँग बताएका छन् ।
सबरीमला मन्दिरमा महिलाहरु प्रवेश गर्न हुँदैन भन्ने परम्परावादी सोच रहेको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्