राजगद्दी छाड्नुअघि जापानी सम्राटको भावुक सम्बोधन

पुष १९, २०७५ बिहीबार ६:५४:३६ | एजेन्सी

टोक्यो –जापानका सम्राट अकिहितोले पदत्याग गर्नु अगाडि आफ्ना शुभचिन्तकसमक्ष भावपूर्ण अन्तिम सम्बोधन गर्नु भएको छ । उहाँले आफ्ना हजारौँ शुभचिन्तकसामू शान्ति कायम गर्न आग्रह गर्नुभएको छ ।

बुधबार बिहान सम्राटको नयाँ वर्ष स्वागत सम्बोधन कार्यक्रममा ७२ हजार भन्दा बढी उहाँका शुभचिन्तक राजदरबार अगाडि भेला भएका थिए ।

पचासी वर्षीय सम्राटले अन्तिम पटक दिनु भएको परम्परागत नयाँ वर्षको स्वागत कार्यक्रमलाई अवलोकन गर्नका लागि टाढा–टाढाबाट समेत मानिसहरु आएका थिए ।
जापानको राजतन्त्रमा यस प्रकारले पदत्याग गर्ने सम्राट अकिहितो करिब दुई शताब्दी यता नै पहिलो व्यक्ति हुनुहुने छ । उहाँले ३० वर्षको शासनपछि आउँदो अप्रिल ३० मा आफ्नो राजगद्दी छोड्दै हुनुहुन्छ ।

‘तपाईँहरुसँग खुल्ला आकाशमुनि नयाँ वर्ष मनाउन पाउँदा म अत्यन्त खुशी छु’ जापानी झण्डा हल्लाउँदै सम्राटको लामो जीवनको कामना गरिरहेका हजारौ व्यक्तिसामू अकिहितोले भन्नुभयो ।

सम्राट अकिहितो जापानी नागरिकहरुबीच निकै नै लोकप्रियसमेत हुनुहुन्छ । उहाँले सामान्य महिलासँग विवाह गर्नुभएको थियो । त्यस्तै उहाँका दुवै छोराले पनि राज खानदानभन्दा बाहिर नै विवाह गर्नुभएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्