संसारकै महंगो डिभोर्स !

पुष २७, २०७५ शुक्रबार १७:२७:३६ | एजेन्सी

संसारकै सबैभन्दा धनी व्यक्ति तथा अमेजन कम्पनीका मालिक जेफ बेजोसले आफ्नी श्रीमतीसँग सम्बन्ध विच्छेद गरेका छन् । उनले आफ्नी श्रीमती मेकेन्जी बेजोससँगको पच्चीस वर्षे सम्बन्धमा पूर्णविराम लगाएका छन्, अर्थात डिभोर्स दिएका छन् ।

डिभोर्सपछि जेफले मेकेन्जी बेजोसलाई दिएको रकमको हिसाब गर्दा यसलाई दुनियाँकै सबैभन्दा महंगो सम्बन्ध बिच्छेद भएको मानिएको छ ।

जेफसँगको सम्बन्धबाट तीन छोरा र एक छोरी जन्माइसकेकी मेकेन्जीले डिभोर्सपछि जेफबाट झण्डै ६० अर्ब अमेरिकी डलर प्राप्त गर्ने भएकी छिन् । २५ वर्षदेखि उनीहरु सँगै थिए अर्थात उनीहरु दुईटै मिलेर नै अमेजन कम्पनीको स्थापना गरेका हुन् ।

उनीहरु बस्दै आएको वाशिंगटन राज्यको एउटा अदालतको फैसलापछि बेजोसको कुल सम्पत्ति दुई हिस्सामा बाँडिने छ र एक हिस्सा मेकेन्जीले प्र्राप्त गर्नेछिन् । अहिले बेजोससँग भएको कुल १ सय ३७ अर्ब अमेरिकी डलरमध्ये ६० अर्ब अमेरिकी डलर मेकेन्जीको खातामा जानेछ । उक्त रकम प्राप्त गरेपछि मेकन्जी दुनियाँकै सबैभन्दा धनी महिला बन्ने पक्का छ ।

उनीहरुले एउटा कार्यक्रममा संयुक्त अभिव्यक्ति दिँदै भनेका छन्, ‘हामीहरु २५ वर्षको सम्बन्धलाई अन्त्य गर्ने घोषणा गर्दै, आगामी दिनहरुमा आत्मिय साथीको रुपमा रहने निर्णय गरेका छौँ ।’

यो डिभोर्सपछि उनीहरुले स्थापना गरेको कम्पनीमा केही परिवर्तन ल्याउने अनुमान गरिएको छ । यसले गर्दा विश्वकै सर्वाधिक धनी व्यक्तिको सूचीबाट जेफ पछि पर्नेछन् । यो डिभोर्सपछि जेफ माइक्रोसफ्टका को–फाउण्डर बिल गेट्सको बराबरीमा आइपुग्नेछन् । बिल गेट्ससँग अहिले ९५ अर्ब अमेरिकी डलर सम्पत्ति रहेको छ ।

बेजोस दम्पतीले आफूहरु अलग्गिनुको कारण भने खुलासा पारेका छैनन् । तर पनि सम्बन्ध विच्छेदपछि पनि आफूहरु असल साथी रहने भने बताएका छन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्