सचिवलाई मन्त्रीले कुटेको विषयमा छानबिन गर्न तीन सदस्यीय समिति गठन

पुष २९, २०७५ आइतबार २०:१६:४१ | शैलेन्द्र महतो

धनुषा – आइतबार प्रदेश २ का आर्थिक मामिला तथा योजना मन्त्री विजय यादवले पर्यटन, वन तथा वातावारण मन्त्रालयका सचिव विद्यानाथ झामाथि कुटपिट गरेको घटना छानबिन गर्न तीन सदस्यीय टोली गठन भएको छ ।

घटनाको सत्यतथ्य छानबिन गर्न प्रदेश २ का आन्तरिक मामिला तथा कानुन मन्त्री ज्ञानेन्द्र यादवको संयोजकत्वमा तीन सदस्यीय टोली गठन भएको मुख्यमन्त्री तथा मन्त्री परिषद्को कार्यालयले जनाएको छ ।

छानबिन समितिमा प्रदेश २ का मुख्य सचिव दीपक सुवेदी र कार्यालयका सचिव हरि फुयाल रहेका छन् । आइतबार साँझ घटनाका विषयमा दुवै पक्षसँग छलफल पश्चात तीन सदस्यको छानबिन टोली गठन भएको मुख्य सचिव सुवेदीले बताउनुभयो ।

उहाँले भन्नुभयो, ‘घटनालाई छानबिन गरेर निष्कर्ष निकाल्न समिति गठन भएको छ । भोलिबाट मन्त्रालयको काममा कुनै अवरोध नगर्ने समेत छलफल भएको छ ।’ आफूले सिफारिस गरेको एनजीओलाई कार्यक्रम नपारेको भन्दै आर्थिक मामिला तथा योजना मन्त्री विजय यादवले आइतबार दिउँसो आफ्नै कार्यकक्षमा बोलाएर सचिव झालाई सभामुख सरोज यादवकै सामुन्न हात र लातले कुटपिट गरी दुव्र्यवहार गर्नुभएको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्