कर्नाटकमा फेरि सुरु भयो सत्ता पल्टाउने खेल, कांग्रेसका ५ सांसद ‘बेपत्ता’

माघ १, २०७५ मंगलबार १२:५९:२९ | एजेन्सी

भारतको कर्नाटक राज्यमा फेरि एक पटक सत्ता पल्टाउने चलखेल सुरु भएको छ ।

मुख्यमन्त्री एचडी कुमारस्वामीले भारतीय जनता पार्टी(बीजेपी) माथि आफ्ना सांसदहरुलाई फुटाउन लागेको आरोप लगाएका छन् । तर उनले आफ्ना सांसद बीजेपीको बहकाउमा नलाग्ने पनि स्पष्ट पारेका छन् ।

बीजेपी नेता तथा पूर्व मुख्यमन्त्री बीएस येदियुरप्पाले भने उल्टै कांग्रेस तथा जनता दल सेक्युलर(जेडीएस) गठबन्धनमाथि आफ्ना सांसदलाई मन्त्री पदको लोभ देखाएको आरोप लगाएका छन् । उनले भने, ‘जेडीएस भाजपा सांसदलाई फुटाउन चाहन्छ । त्यसैले हामी अहिले एकै ठाउँमा छौँ । हामी अझै एक दुई दिन दिल्लीमै बस्नेछौँ ।’

कांग्रेसले पनि आफ्ना केही सांसदालाई बेपत्ता पारिएको आरोप लगाउँदै बीजेपी ‘अपरेसन लोटस’ मा काम गरिरहेको आरोप लगाएको छ । यो शब्द पहिलो पटक सन् २००८ मा चर्चामा आएको थियो । त्यतिबेला तत्कालीन मुख्यमन्त्री बीएस येदियुरप्पामाथि आफ्नो सरकारको स्थिरता सुनिश्चित गर्न सांसदहरु किनेको आरोप लागेको थियो ।

यसैबीच बीजेपी सांसद पूर्णिमा श्रीनिवासले चाँडै कर्नाटकको गठबन्धन सरकार ढल्ने दाबी गरेकी छिन् । उनी भन्छिन्, ‘जेडीएस र कांग्रेससँग सरकार बनाउन पर्याप्त संख्या नभएकैले गठबन्धन बनाएका थिए । तर अहिले उनीहरुबीच झगडा सुरु भएको छ । यस्तो अवस्थामा हामीले सरकार ढाल्न केही काम नै गर्न पर्दैन ।’

२२४ सदस्य भएको कर्नाटक विधानसभामा जेडीएस–कांग्रेस गठबन्धनसँग ११८ सांसद छन् । कर्नाटकमा सरकार बनाउन ११३ सांसद चाहिन्छ । बीजेपीसँग एक्लै १०४ सांसद छन् ।

कांग्रेसले आफ्ना सांसदलाई प्रलोभन देखाएर बीजेपी सरकार ढाल्ने काममा लागेको आरोप लगाएको छ । यसै कारण आफ्ना ५ सांसद बेपत्ता पारिएको कांग्रेसले आरोप लगाएको छ ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्