तल्लो स्वराडवासीकाे घरआँगनमै चितुवा, स्थानीय त्रासमा

माघ ५, २०७५ शनिबार १४:४७:४६ | जयराज अवस्थी

बैतडी - बैतडीको तल्लोस्वराडमा चितुवाले मानिसहरुमाथि आक्रमण गर्न थालेपछि स्थानीयहरु त्रसित बनेका छन् ।

लगातार रुपमा चितुवाले आक्रमण गर्न थालेपछि मेलौली, शिवनाथ र पञ्चेश्वरका स्थानीयहरु त्रसित बनेका शिवनाथका स्थानीय विरेन्द्रसिंह महताले बताउनुभयो । उहाँका अनुसार केही दिन बिराएर चितुवाले फेरि आक्रमण गर्न थालेको हो ।

चितुवाले लगातार मानवबस्तीमा पसेरै आक्रमण गर्न थालेपछि स्थानीयवासी त्रसित बनेका छन् । बिशेषगरी बालबालिका तथा महिलाहरुलाई चितुवाले आक्रमण गर्दै आइरहेको छ ।

चितुवा नियन्त्रणको लागि धेरै प्रयास गरे पनि असफल भइरहेको छ । पछिल्लो समयमा चितुवाले घरआँगनमै आएर आक्रमण गर्न थालेपछि स्थानीयहरु त्रसित भइरहेका शिवनाथ गाउँपालिकाका अध्यक्ष कर्णसिंह साउँदले बताउनुभयो ।

चितुवाले आक्रमण गर्न थालेपछि चितुवा नियन्त्रणका विषयमा प्रमुख जिल्ला अधिकारीसँग छलफल भइरहेको उहाँले बताउनुभयो ।

नरभक्षी चितुवाले तल्लोस्वराड क्षेत्रमा गएको ७ वर्षयता २३ जनाको ज्यान लिइसकेको छ भने दुई दर्जनभन्दा बढीलाइ घाइते बनाएर छोडेको छ । विद्यालय जाँदै गरेका तथा साँझपख घरआँगनमै खेलिरहेका बालबालिकालाई चितुवाले आफ्नो निशाना बनाउँदै आइरहेको धर्मसिंह धनाडीले बताउनुभयो ।

आजभोलि पनि चितुवाले मानवबस्तीमा पसेर मानिसहरुलाइ आक्रमणको प्रयास गर्न थालेको र घरपालुवा जनावरहरुलाइ मार्न थालेको स्थानीय गम्भीर दयालले बताउनुभयो । उहाँले बताए अनुसार अहिले बालबालिकाहरुलाइ विद्यालय पठाउनसमेत अभिभावकहरु डराउन थालेका छन् । यसका साथै महिलाहरु पनि घाँसदाउरा गर्नसमेत निकै डराउने गरेका छन् ।

चितुवाको डरले वस्तुभाउ चराउन र घाँसदाउरा गर्न निकै डर लाग्ने गरेको स्थानीयहरुले बताएका छन् ।

चितुवा आक्रमणको विषयमा प्रमुख जिल्ला अधिकारी चन्द्रप्रसाद गैरेले डिभिजन वन कार्यालयसँग समन्वय गरेर चितुवा नियन्त्रणका लागि प्रयास गरिने बताउनुभयो । उहाँले जिल्ला सुरक्षा समितिको बैठक बसेर निर्णय लिने आश्वासनसमेत दिनुभयो ।

पछिल्लो समयमा चितुवाको बासस्थान र आहारा नष्ट भएपछि चितुवा मानव बस्तीमा पस्न थालेको डिभिजन वन कार्यालय बैतडीका सहायक वन अधिकृत रामप्रसाद चौधरीको भनाइ छ ।

यसअघि पनि प्रशासनले धेरैपटक चितुवा नियन्त्रणको लागि तल्लोस्वराडमा प्रहरी र वनरक्षकको टोली पठाएपनि चितुवा फेला पार्न नसकेर फर्कने गरेको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्