सुस्त मनस्थिति भएकी बालिका बलात्कृत

असार ५, २०७५ मंगलबार २०:१८:३९ | डीबी बिष्ट

बझाङ – सुस्त मनस्थिति भएकी १३ वर्षकी बालिका बलात्कृत भएकी छन् ।

सुस्त मनस्थिति भएकी दलित बालिकाको स्थानीय ४० वर्षका फिट्टु कुँवरले बलात्कार गरेको बालिकाका आफन्तले आरोप लगाएका छन् । असार तीन गते दिउँसो नै बालिकाको बलात्कार भए पनि घटनास्थल दुर्गम ठाउँ भएका कारण पीडितहरु प्रहरीको सम्पर्कमा आए पछि मात्र घटना सार्वजनिक भएको हो । दिउँसो ४ बजेतिर मदिरा सेवन गरेर मातेका आरोपी कुँबरले बालिकालाई उनकै गोठमा लगेर बलात्कार गरेको पीडितका आफन्तले बताएका छन् ।

गाउँका सबै मान्छे खेतमा काम गर्न गएको बेला घटना भएको र घटना भैसकेपछि बालिका चिच्याउदै बाहिर निस्केकाले अरुले थाहा पाएका थिए । आरोपी कुँवर अहिले फरार रहेका छन् । सुस्त मनस्थिति भएकी १३ वर्षकी पीडित बालिका स्पष्ट रुपमा बोल्न नसक्ने अवस्थामा रहेकी छन् ।

उनको जिल्ला अस्पताल बझाङमा स्वास्थ्य परीक्षण गरिएको र मंगलबार मुद्धा दर्ता गरिने जिल्ला प्रहरी कार्यालय बझाङका डीएसपी ऋषिराम कँडेलले जानकारी दिनुभयो । आरोपीको खोजी कार्यको लागि आइतबारदेखि नै प्रहरी परिचालन गरिएको र थप अनुसंन्धान भैरहेको कँडेलले जानकारी दिनुभयो ।

पटक–पटक बलात्कार

सुस्त मनस्थिति भएकी ती बालिकाको यसअघि पनि थुपै्र पटक बलात्कार भएको स्वास्थ्य परीक्षणबाट देखिएको उनको स्वास्थ्य परीक्षणमा संलग्न एकजना स्वास्थ्यकर्मीले जानकारी दिएका छन् ।

बालिकाको योनीमा विभिन्न खालका संक्रमणहरु देखिएको र योनिको आकार अस्वभाविक रुपमा बढेकोले यस अघि पनि पटक–पटक बलात्कार भएको हुन सक्ने ती स्वास्थ्यकर्मीको बताएका छन् ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

डीबी बिष्ट

डीबी बिष्ट बझाङका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्