निर्मलाको ‘भेजाइनल स्वाब’सँग आमाको डीएनए मिल्यो

माघ १४, २०७५ सोमबार १२:३१:२४ | दुर्गा उपाध्याय

कञ्चनपुर – कञ्चनपुरकी १३ वर्षिया बालिका निर्मला पन्तको भेजाइनल स्वाब’सँग आमाको डीएनए मेल खाएकोे छ ।

प्रहरीको विधि विज्ञान प्रयोगशालाको रिपोर्ट सोमबार कञ्चनपुर पुगेको छ । रिपोर्टमा “मृतक निर्मलाको योनीबाट संकलन गरिएका स्वाबहरुबाट तयार पारिएको डीएनए प्रोफाइलको अटो स्वमल एसटीआर दुर्गादेवी पन्तको रगत नमुनाबाट तयार परिएको डीएनए प्रोफाइलसँग मेल खाएको छ” भन्ने उल्लेख गरिएको छ ।

दुर्गादेवीको डीएनए निर्मलाको भेजाइनल स्वाबबाट निकालिएको डिएनएसँग मेल खाएको जिल्ला प्रहरी कार्यालय कञ्चनपुरका प्रहरी प्रमुख एसपी कुबेर कडायतले बताउनुभयो ।

‘जनमानसमा एक किसिमको आशंका फैलिएको थियो, त्यसको ‘भेरिफाई’ गर्न मृतकको आमाको ब्लड स्याम्पल हामीले विधिविज्ञान प्रयोगशालामा पठाएको थियाैँ’, उहाँले भन्नुभयो ‘त्यसको रिजल्ट सोमबार आइपुगेको छ । रिपोर्टमा निर्मलाको डीएनए रिपोर्टसँग दुर्गादेवीको डीएनए मेल खाएको भन्ने उल्लेख गरिएको छ ।’

घटनामा प्रमाण मेट्न प्रहरी नै संलग्न रहेपछि निर्मलाको शरीरबाट निकालिएको डीएनएमाथि पीडित परिवार र सर्वसाधारणले शंका व्यक्त गर्दै आएका थिए । उनीहरुले निर्मलाको डीएनए वास्तविक भए नभएको पुष्टि गर्न माग गर्दै आएका थिए ।

यस्तै, छोरीको डीएनए वास्तविक भएको नभएको पुष्टि गर्न दुर्गादेवीले गएको पुस २५ गते आफ्नो रगतको नमूना दिनुभएको थियो । कञ्चनपुर भिमदत्त नगरपालिका २ उल्टाखामकी निर्मलाको हत्या भएको ६ महिना बितिसकेको छ । तर, अहिलेसम्म वास्तविक दोषी पत्ता लाग्न सकेको छैन ।

अनुसन्धानका क्रममा प्रहरीले तत्कालीन एसपी डिल्लीराज विष्टलगायत झण्डै एकसय जना शंकास्पद व्यक्तिहरुको डीएनए परीक्षण गरिसकेको छ । आफूले अपराध गरेको स्वीकार गरेकै व्यक्तिहरुको डीएनए नमिलेपछि निर्मलाको भेजाइनल स्वाबबाट संकलन गरिएको डीएनएमाथि नै शंका उत्पन्न भएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्