कडा सुरक्षाबीच अवैध संरचना भत्काइयाे

माघ १५, २०७५ मंगलबार १९:५३:३३ | दुर्गा उपाध्याय

कञ्चनपुर – कञ्चनपुरको महेन्द्रनगर क्षेत्रमा अवैध रुपमा बनेका संरचना भत्काउन सुरु गरिएको छ ।

महेन्द्रनगर नगर विकास समितिको जग्गा अतिक्रमण गरी बनेका अवैध संरचना भिमदत्त नगरपालिका र संघीय आयोजना कार्यान्वयन इकाइले मंगलबार भत्काएको छ । प्रमुख राजनीतिक दलका भातृ संगठनको दबाबपछि स्थानीय प्रशासनले कडा सुरक्षाकाबीच अवैध संरचना भत्काएको हो ।

नगर विकास विघटनपछि संघीय आयोजना कार्यान्वयन इकाईले काम गर्ने जिम्मा पाएकाले सम्बन्धित कार्यालय र भिमदत्त नगरपालिकासँग अवैध संरचना भत्काउन माग गरेको जिल्ला प्रशासन कार्यालयका निमित्त प्रमुख जिल्ला अधिकारी शंकर विष्टले बताउनुभयो ।

तत्कालिन महेन्द्रनगर नगर विकास समितिको जमिन लिज प्रकरणविरुद्ध मंगलबार कञ्चनपुरमा आम हड्ताल गरिएको थियो । यसअघि, अवैध रुपमा बनेका संरचना हटाउन जिल्ला प्रशासन कार्यालय कञ्चनपुरले गएको पुस ९ गते आदेश जारी गरेको थियो ।

यसैगरी, संघीय आयोजना कार्यान्वयन इकाईले अवैधानिक तरिकाले बनेका भवन भत्काउन सूचना जारी गरिसको छ । तर, पटक पटक सूचना जारी गरिए पनि सम्बन्धित व्यक्तिले अतिक्रमिण क्षेत्रमा बनेका घर टहरा नहटाएपछि प्रहरीको कडा सुरक्षाकाबीच अवैध संरचना भत्काइएको हो ।

यता, स्थानीय प्रशासनले आफूसँग पहल नै नगरी संरचना भत्काएको भन्दै आन्दोलनरत विद्यार्थी भने रुष्ट भएका छन् । उनीहरुले ठूला व्यापारीका संरचनाबाट सुरु गर्नुपर्नेमा प्रशासनले साना व्यवसायीबाट सुरु गरेको भन्दै असन्तुष्टि जनाएका छन् ।

प्रशासनले अवैध संरचना भत्काएपछि भने आन्दोलनरत पक्षले बन्द फिर्ता लिएका छन् ।

अन्तिम अपडेट: मंसिर १, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्