भारत र म्यानमारको सीमावर्ती क्षेत्रबाट १०० भन्दा बढी नेपाली महिलाको उद्धार

माघ १९, २०७५ शनिबार २०:११:४८ | एजेन्सी

भारतको मणिपुर प्रहरीले शुक्रबार भारत तेनगोपाल जिल्ला र म्यानमारको सीमावर्ती क्षेत्र मोरेबाट कम्तीमा १०० जना नेपाली महिलाको उद्धार गरेको छ ।

साथै उनीहरुलाई लैजाने एक तस्करलाई पनि प्रहरी गिरफ्तार गरेको छ ।

भारतीय प्रहरीले ती महिलाहरुलाई म्यानमारको बाटो हुँदै विभिन्न दक्षिण एसियाली तथा मध्यपूर्वी राष्ट्रहरुमा तस्करी गरिन लागेको हुनुक्ने शंका व्यक्त गरेको छ ।

प्रहरीले पनि गिरफ्तार गरेको तस्कर नेपालको सिन्धुपाल्चोक जिल्लाको ४२ वर्षीय आशाकाजी तामाङ भएको खुल्न आएको छ । प्रहरीका अनुसार ती महिलाहरुलाई शुक्रबार बिहानैदेखि जारी खोजी कार्यका दौरान मोरे शहरको विभिन्न ठाउँबाट उद्धार गरिएको हो ।

मणिपुर बाल अधिकार संस्था एमएसीआरका संयोजक मोन्टु अहन्तमले स्थानीय इण्डियनएक्सप्रेस लाई बताएअनुसार दिल्लीमा रहेका संस्थाका एक सदस्यले दिल्ली महिला आयोगले दिल्लीबाट ३ महिलाको उद्धार गरेको भनेरे सूचना दिएका थिए ।

ती तीन महिलाले थुप्रै महिलाहलाई नेपालबाट भारत लान लागिएको सूचना दिएका थिए ।

माइती नेपालबाट यो सूचनाको पुष्टि भएपछि खबरदारी गरिएको थियो । माइती नेपालका अनुसार दिल्लीमा भेटिएका तीन महिलालाई सोधपूछ गरेपछि अरु महिलाहरुलाई भारतको उत्तर पूर्वी क्षेत्रको म्यानमारको सीमावर्ती क्षेत्रतर्फ लैजाँदै गरिएको पत्ता लागेको थियो ।

प्रहरीले शुक्रबार बेलुकी मोरे शहरकै एउटा होटेलबाट ६१ जना अरु महिलाहरुको पनि उद्धार गरेको थियो ।
एमएसीआरका संयोजक मोन्टुले यो अहिलेसम्मकै ठूलो उद्धार अपरेशन भएको र प्रहरीको सहयोगविना यो सम्भव नहुने बताउनुभयो ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्