झुलाघाटमा पक्की पुल निर्माणका लागि दबाब समिति गठन

माघ २१, २०७५ सोमबार १२:४३:१० | जयराज अवस्थी

बैतडी – नेपाल भारत सीमा झुलाघाटमा मोटरेबल पक्की पुल निर्माणका लागि दबाब समिति गठन गरिएको छ । बैतडी उद्योग वाणिज्य संघको पहलमा माघ १५ गते सुख्खा फलफूल विकास केन्द्रको हेलिप्याड डाँडामा भएको सरोकारवालाहरुको बैठकले पुल निर्माण पहलका लागि सरकारलाई दबाब दिन समिति गठन गरिएको हो ।

झुलाघाटमा पक्की पुल नभएकै कारण भारतसँग सीधा व्यापार गर्न नसकिएको, भारतीय पर्यटकहरुलाई नेपाल भित्र्याउन नसकिएकाले पक्की पुल निर्माणका लागि दबाब समिति गठन गरिएको समितिका संयोजक एवं बैतडी उद्योग वाणिज्य संघका अध्यक्ष नरबहादुर चन्दले बताउनुभयो । २०५२ साल यता बनेका हरेक सरकारले झुलाघाटमा पक्की पुल निर्माणको आश्वासन दिने गरेको तर आश्वासनमै सीमित रहेकाले आफूहरुले समिति गठन गरेको उहाँले बताउनुभयो ।

समितिले सरकारलाई झुलाघाट नाकामा पक्की पुल निर्माणका लागि लिखित रुपमै आग्रह गर्ने निर्णयसमेत गरेको छ । झुलाघाटमा पक्की पुल निर्माणका लागि दवाब दिन २७ जनाको समिति बनाइएको समितिका सदस्य एवं रेडियो निङ्गलाशैनीका प्रबन्ध निर्देशक महेश अवस्थीले जानकारी दिनुभयो । सतबाँझमा केही दिन अघि परेको हिमपातले आन्तरिक पर्यटक तानेको तर पुल नभएकै कारण भारतीय पर्यटक आउन नसकेकाले पुल निर्माणार्थ दबाब दिन सतबाँझमा बैठक गरिएको उहाँले बताउनुभयो ।

झुलाघाटमा पक्की पुल निर्माण गर्न सकिए भारतबाट धार्मिक पर्यटकहरुलाई भित्र्याउन सकिने र यसले यो क्षेत्रको आर्थिक गतिविधिमा बढावा दिने समितिका सदस्य एवं बैतडी उद्योग वाणिज्य संघका उपाध्यक्ष खिमानन्द भट्टले जानकारी दिनुभयो । समितिले चरणबद्ध रुपमा पुल निर्माणका लागि दबाब दिने उहाँले बताउनुभयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

जयराज अवस्थी

जयराज अवस्थी बैतडीका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्