कांग्रेसले गर्‍यो भीमदत्त नगरपालिकाको चौथो नगरसभा बहिष्कार

माघ २६, २०७५ शनिबार १२:१२:२३ | दुर्गा उपाध्याय

कञ्चनपुर – नेपाली कांग्रेसबाट निर्वाचित जनप्रतिनिधिहरुले भीमदत्त नगरपालिकाको चौथो नगरसभा बहिष्कार गरेका छन् ।

६ महिनामा हुनुपर्ने नगरसभा समयमै नभएको भन्दै कांग्रेसबाट निर्वाचित जनप्रतिनिधिले शनिबार हुने भनेको भीमदत्त नगरपालिकाको चौथो नगर सभा अवरुद्ध गरेका हुन् ।

कांग्रेसबाट निर्वाचित ३९ जना जनप्रतिनिधिहरुले ६ महिनामा हुनुपर्ने नगरसभा ७ महिना पछि भएको र ४८ घण्टा भित्र नगरसभाको कार्यविधि दिइसक्नुपर्ने प्रावधान भए पनि कार्यविधि नदिएकाले नगरसभा अवरुद्ध गरेको जनाएका छन् ।

भीमदत्त नगरपालिका वडा नम्बर ४ कि वडा सदस्य सिता भट्टले पटक–पटक कार्यविधि पढ्न पाउनुपर्ने माग राखेको भए पनि बेवास्ता गरेकाले आफूहरुले चौथो नगरसभा अवरुद्ध गरेको बताउनुभयो ।

‘२४ घण्टाभित्र उपलब्ध हुनुपर्ने कार्यविधि हामीलाई दिइएन अहिलसम्म दिइएको छैन’, उहाँले भन्नुभयो ‘हामीप्रति जालझेल गरियो ।’ कार्यविधिमा प्रतिपक्षले विमति राख्न पाउनुपर्ने उहाँको भनाई छ ।

त्यस्तै वडा ४ कि अर्की महिला सदस्य पुष्पा जैरुले आफूहरुलाई अलमलमा राखेर यसअघिका नगरसभा पास गर्ने गरेको भन्दै नागरिकको समस्याको कुरा उठाउन पाउनुपर्ने गुनासो गर्नुभयो ।

उहाँले कार्यविधि अध्ययन गरेर त्यसका आधारमा नगरसभामा कुरा उठाउन पाउनुपर्नेमा त्यो नभएको बताउनुभयो ।

अन्तिम अपडेट: कात्तिक ३०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्