कञ्चनपुरमा ६ करोड मूल्य बराबरको इँटा नोक्सान

माघ २६, २०७५ शनिबार १३:११:४५ | दुर्गा उपाध्याय

कञ्चनपुर – लगातारको वर्षाका कारण कञ्चनपुरमा करिब ६ करोड मूल्य बराबरको इँटा नोक्सान भएको छ । बेमौसमी वर्षाका कारण जिल्लामा करिब ६ करोड मूल्य बराबरको इँटा नोक्सान भएको महाकाली इँटा तथा टायल उद्योग व्यवसायी संघले जनाएको छ ।

वर्षातले तयार पार्दै गरेका र पोल्नका लागि राखेका काँचो इँटा गलेर नष्ट भएका छन् । पोल्न तयारीमा राखेका बेला वर्षा हुँदा २० लाख गोटा इट्टा नोक्सान भएको बजरंगी इँटा तथा टायल उद्योगका संचालक दानबहादुर रावलले बताउनुभयो ।

उहाँले दैनिक एकलाख २० हजार इँटा उत्पादन हुने गरेको बताउँदै पोल्न तयारीमा रहेका र थुपारेर राखेका काँचो इँटा मेत गलेर नष्ट भएको बताउनुभयो ।

वर्षातले काम गर्न नसक्दा मजदूरको पारिश्रमिक र समय पनि नोक्सान भएको उहाँको भनाई छ । ‘पानीले इट्टा नोक्सान त गर्यो नै समय पनि खेर गयो’, उहाँले भन्नुभयो ‘समयमा उत्पादन गर्न नसक्दा अब इँटा पनि अभाव हुन्छ ।’

बेमौसमी पानीले इट्टा नोक्सान भएपछि इँटाको आपूर्ति कम हुने र मूल्य समेत बृद्धि हुने देखिएको छ । ठूला इँटा उद्योगमा १५ देखि २० लाख र साना उद्योगमा १० लाख इँटा नोक्सान भएको व्यावसायीको भनाइ छ ।

वर्षातले करोडौँको इँटा नोक्सान भएकाले प्रति गोटा इँटामा कम्तीमा १ देखि २ रुपैयाँसम्म मूल्य वृद्धि हुन सक्ने महाकाली इँटा तथा टायल उद्योग व्यवसायी संघका अध्यक्ष दानबहादुर बुढा बताउनुभयो । ‘यो पानीले ठूलो क्षति गर्यो’, उहाँले भन्नुभयो ‘यसले मार्केटमा इट्टाको मूल्य पनि बढ्छ ।’

पानीका कारण इँटालाई भट्टीमा पोलेर प्रयोगयोग्य बनाउन ढिलो हुने भएकाले मागअनुसारको पूर्ति गर्न नसकिने उहाँको भनाइ छ ।

कञ्चनपुरमा ४० वटा इँटा उद्योग दर्ता छन् । यसअघि, महेन्द्रनगर बजार क्षेत्रमा सरदर प्रति इँटाको मूल्य १२ रुपैयाँ थियो भने बेलौरी, पूनर्वास लगायत दक्षिणी क्षेत्रमा साढे १० रुपैयाँ थियो । अब यसको मूल्य बढेर १४ रुपैयाँसम्म पुग्न सक्ने व्यवसायीहरु बताउँछन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

दुर्गा उपाध्याय

दुर्गा उपाध्याय कञ्चनपुरका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्