टिपर दुर्इपा‌ंग्रे चालककाे काल बन्दै

हप्ता दिनमै टिपरले फेरि लियो स्कुटर चालकको ज्यान

असार ८, २०७५ शुक्रबार ९:५:५० | उज्यालो सहकर्मी

भक्तपुर – भक्तपुरमा शुक्रबार एकाबिहानै टिपरले स्कुटरलाई ठक्कर दिँदा स्कुटर चालकको घट्नास्थल मै ज्यान गएको छ ।

मृत्यु हुनेमा सिन्धुपाल्चोकको चेलाङ्ग घरभई हाल मध्यपुरथिमि नगरपालिका ६ बस्दै आएका ४८ वर्षका चेतबहादुर थापा रहकोे प्रहरीले जनाएको छ ।

शुक्रबार बिहान साढे पाँच बजे पेप्सीकोलाबाट तीव्र गतिमा सानोठिमीतर्फ जाँदै गरेको बा. २ क. ३९३४ नम्बरको टिपरले त्यसै दिशातर्फ जाँदै गरेको बा.६६प. ८५५३ नम्बरको स्कुटरलाई सानोठिमी क्याम्पस अगाडि ठक्कर दिएको थियो ।

घटनापछि टिपरसहित फरार भएका चालक र टिपरलाई प्रहरीले जगातीबाट नियन्त्रणमा लिएको छ ।

ललितपुर बस्ने टिपर चालक ३० वर्षका राजन खड्गीलाई टिपरसहित नियन्त्रणमा लिएर अनुसन्धान अगाडि बढाएको महानगरीय प्रहरी वृत्त थिमिका प्रमुख एवं प्रहरी उपरीक्षक प्रज्जवलमान महर्जनले जानकारी दिनुभयो ।

केही दिन अघि भक्तपुरकै जडीबुटीमा टिपरले स्कुटरलाई ठक्कर दिँदा स्कुटर चालक राैतहटकी अस्मिता राजभण्डारीकाे ज्यान गएको थियो । ठक्कर दिने टिपरलाई आक्रोशित भीडले आगो लगाइदिएको थियो ।

अन्तिम अपडेट: फागुन २८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्