जम्मू–कश्मीरमा ठूलो आतंकवादी आक्रमण : ३० जना प्रहरीको ज्यान गयो, ४३ जना गम्भीर घाइते

फागुन २, २०७५ बिहीबार १९:३३:२८ | एजेन्सी

भारतको जम्मू–कश्मीर राज्यको पुलावामा जिल्ला भएको ठूलो आतंकवादी आक्रमणमा परि केन्द्रीय रिजर्भ प्रहरी बल(सीआरपीएफ)का ३० जवानको ज्यान गएको छ ।

आक्रमणमा परि ४३ जना प्रहरी जवान गम्भीर घाइते भएको भारतीय सञ्चार माध्यमले जनाएका छन् ।

भारतीय समाचार एजेन्सी एएनआईका अनुसार आक्रमणको जिम्मा पाकिस्तानमा सक्रिय आतंकवादी जैश–ए–मुहम्मदले लिएको छ ।

भारतीय समाचार एजेन्सी पीटीआईका अनुसार जैश–ए–मुहम्मदका आक्रमणकारीले विस्फोटक पदार्थले भरिएको बस सीआरपीएफको बसमा ठोक्काएका थिए । विस्फोटबाट सीआरपीएफका जवान चढेको बस टुक्रा–टुक्रा भएको थियो । यो बस सीआरपीएफको ५४औँ बटालियनको थियो ।

संदिग्ध आतंकवादी आदिल अहमद डार

भारतीय समाचार संस्थाहरुले पुलावामामा बसेर आतंकवादी क्रियाकलापमा सलंग्न आदिल अहमद डारले आक्रमण गराएको बताएका छन् ।

सीआरपीएफ(अपरेसन्स) का आईजी जुल्फिकर हसनले आक्रमणको पुष्टि गर्दै भनेका छन्, ‘सीआरपीएफका समूहमा २० गाडी थिए । त्यसमध्ये एउटा गाडीमा आक्रमणकारीले विस्फोटक पदार्थले भरिएको गाडी ठोक्काए । बस जम्मूबाट श्रीनगर जाँदै थिए ।’

जम्मू–कश्मीरका राज्यपाल सत्यपाल मलिकले राज्यमा अहिंसा फैलाएर अस्थिरता पैदा गर्ने समूहले आक्रमण गरेको बताएका छन् ।

त्यस्तै भारतीय कांग्रेसका अध्यक्ष राहुल गान्धीले आक्रमणलाई कायरताको संज्ञा दिँदै घटनाबाट आफू निकै दुःखी भएको बताएका छन् ।

Attack on CRPF personnel in Pulwama is despicable. I strongly condemn this dastardly attack. The sacrifices of our brave security personnel shall not go in vain. The entire nation stands shoulder to shoulder with the families of the brave martyrs. May the injured recover quickly.
— Narendra Modi (@narendramodi) 14 February 2019

त्यस्तै भारतीय प्रधानमन्त्री नरेन्द्र मोदीले आक्रमणलाई निन्दनीय बताउँदै आक्रमणमा शहीद भएकाहरुको बलिदानी त्यसै खेर जान नदिने बताएका छन् ।

जम्मू–कश्मीरमा ठूलो आक्रमण भएपछि केन्द्रीय गृहमन्त्री राजनाथ सिंह शुक्रबार जम्मू कश्मीर जाने भएका छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्