मन्त्रालय नजाने मन्त्री फेशन शोमा मस्त

फागुन ३, २०७५ शुक्रबार १३:३:३६ | शैलेन्द्र महतो

धनुषा – प्रदेश २ का उद्योग, पर्यटन, वन तथा वातावरण मन्त्रालयका मन्त्री रामनरेश रायको कार्यकक्ष अधिकांश समय सुनसान रहन्छ । गएको वर्ष फागुनमा मन्त्री बनेपछि उहाँ यस एक वर्षको अवधिमा एक साता पनि मन्त्रालय जानुभएको छैन ।

सरकारी आवासबाटै मन्त्रालय चलाउँदै आउनुभएका मन्त्री कुनै हस्ताक्षर गर्नुपुर्दा कर्मचारी फाइल बोकेर आवाससम्मै आउनुपर्ने बाध्यता छ । गएको वैशाखमा मन्त्री रायलाई हृदयघात भएको थियो ।

‘उद्योग, पर्यटन, वन तथा वातावरण मन्त्रालय चौथो तल्लामा रहेको कारण मन्त्रीलाई आवत–जावत गर्न समस्या हुन्छ भन्दै उहाँ मन्त्रालय नआएर आवासमै मन्त्रालयको काम गर्नुहुन्छ । मन्त्री ज्यूको हस्ताक्षर चाहिए उहाँको आवासमै पुग्नु पर्छ । ’ एक कर्मचारीले भने ।

‘तर अहिले मन्त्रीज्यूको स्वास्थ्य अवस्था ठीक छ । तर पनि मन्त्रालयामा आउनु हुन्न ।’ ती कर्मचारीले भने, ‘अन्य कुनै कार्यक्रममा भने मज्जाले जानु हुन्छ । उहाँको आफ्नै मनमौजी छ ।’

मन्त्री राय कार्यकक्षमा नबस्दा नागरिक र कर्मचारीलाईसमेत काम गराउन अप्ठयारो हुने गरेको छ । तर मन्त्रालय नजाने मन्त्री राय बिहीबार ‘भ्यालेन्टाइन डे’ को अवसरमा जनकपुरको एक होटेलमा आयोजित ‘फेशन शो’ कार्यक्रममा दिनभरी बस्नुभयो ।

मन्त्रालयमा बस्न नसक्ने मन्त्रीलाई भने दिनभर फेसन शो कार्यक्रममा घण्टौसम्म बसेको देख्दा त्यहाँ उपस्थित दर्शकहरुसमेत चकित भएका थिए । मन्त्री राय फेशन सो कार्यक्रमको प्रमुख अतिथि बन्नु भएको थियो ।

मन्त्री रायले भने आफू जागिरे कर्मचारी नभहेकोले मन्त्रालयमै बस्नुपर्ने आफ्नो बाध्यता नरहेको प्रतिक्रिया दिनुभयो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शैलेन्द्र महतो

शैलेन्द्र महतो उज्यालोका धनुषा सहकर्मी हनुहुन्थ्यो।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्