पुलवामा हमलाका शहीद परिवारलाई अक्षकुमारले पाँच कराेड रुपैयाँ सहयाेग गर्ने

फागुन ६, २०७५ सोमबार १४:१०:५ | एजेन्सी

काठमाण्डाै – भारतको जम्मू कश्मीरको पुलवामामा अर्धशैन्य बल सीआरपीएफका जवानमाथि भएको आत्मघाती आतंकवादी हमलामा ४० जनाभन्दा बढीको ज्यान गएपछि भारतीय नागरिकसँगै बलिउड कलाकारहरु पनि आक्रोशित भएका छन् ।

अभिनेता अक्षय कुमारले त्यस हमलालाई निकै नै कायरतापूर्ण काम भएको बताएका छन । अहिले सार्वजनिक खबरहरुका अनुसार अभिनेता अक्षय कुमारले ज्यान गुमाएका सैनिक जवानका परिवारहरुलाई सहयोगस्वरुप पाँच करोड रुपैयाँ दिने बताएका छन् ।

यसअघि अभिनेता अमिताभ बच्चनले पनि आतंकवादी हमलापछि शहीद भएका हरेक सैनिक परिवारलाई पाँच–पाँच लाख रुपैयाँ सहयोग गर्ने घोषणा गरिसकेका छन् । साथै अभिनेता सलमान खानको एनजीओ बिइङ्ग ह्यूमन फाउण्डेशन पनि शहीद जवानका परिवारलाई सहयोग गर्न अघि सरेको छ ।

अभिनेता अक्षय कुमारले आफूले आर्थिक सहयोग गर्ने घोषणा गर्दै सबै भारतीय नागरिकलाई सहयोग गर्न प्रोत्साहित गरेका छन् । उनले आफ्नो ट्विटर अकाउन्टमा ट्वीट गदै भनेका छन्, ‘पुलवामा हमला हामी कहिल्यै भुल्न सक्नेछैनौँ र भुल्न पनि दिनेछैनौं ।

#Pulwama is something we cannot & will not forget.We’re all angry & it’s time to act. So act now,donate to the martyrs of Pulwama on https://t.co/5j0vxsSt7f There’s no better way to pay homage to them & show your support.This is the only official site,pls don’t fall prey to fakes pic.twitter.com/sYruUtzgKY
— Akshay Kumar (@akshaykumar) February 16, 2019

हामी अहिले आक्रोशित छौँ र यो समय केही गरेर देखाउने बेला हो । यसविरुद्ध कारबाही गरिनुपर्छ । पुलवामा शहीद भएकाहरुलाई दान दियौँ । उनीहरुको सम्मान गर्ने र उनीहरुलाई सहयोग गर्ने सही समय यही हो ।’

अभिनेता अक्षय कुमार यतिबेला फिल्म ‘गुड न्युज’ को छायांकन गरिरहेका छन् । यस फिल्ममा उनीसँगै अभिनेत्री करिना कपूर खानको पनि भूमिका रहनेछ । साथै उनी अभिनित फिल्म ‘हाउसफूल–४’ र ‘केसरी’ यसैवर्ष प्रदर्शन हुदैछन् ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्