कश्मीर आक्रमणका ‘मास्टरमाइन्ड’ अब्दुल रशीद गाजी मारिए

फागुन ७, २०७५ मंगलबार ८:६:६ | एजेन्सी

जम्मू–कश्मीरको पुलवामामा भएको आतंकवादी आक्रमणपछि भारतीय सुरक्षा बलले गरेको कारबाहीमा तीन जना चरमपन्थी मारिएको भारतीय अधिकारीले जनाएका छन् ।

सोमबार पुलवामाको पिंगलानामा भएको ‘इन्काउन्टर’ मा फेब्रुअरी १४ मा भएको आक्रमणका ‘मास्टरमाइन्ड’ समेत मारिएको भारतीय सुरक्षा अधिकारीले दाबी गरेका छन् । जवाफी कारबाहीमा एक मेजरसमेत ४ जना भारतीय सुरक्षाकर्मीको पनि ज्यान गएको छ ।

सोमबारको कारबाहीमा पुलवामा आक्रमणका ‘मास्टरमाइन्ड’ कामरान गाजी मारिएको बताइएको छ । जैश–ए–मोहम्मदसँग जोडिएका हिलाल अहमद र अब्दुल रशीद गाजी पनि कारबाहीमा मारिएको भारतीय सुरक्षा अधिकारीले जनाएका छन् ।

अब्दुल रशीद गाजी आत्मघाती आक्रमणमा संलग्न आदिल अहमद डारका ह्याण्डलर भएको बताइएको छ । त्यस्तै अब्दुल रशीद गाजी जैश–ए–मोहम्मदका प्रमुख मौलाना मसूद अजहरका प्रमुख विश्वासपात्र पनि भएको बताइएको छ । उनी हतियार र विस्फोटक पदार्थ विशेषगरी आईडीका एक्सपर्ट थिए । गाजी अफगानिस्तानमा आतंकवादी गतिविधिमा संलग्न थिए । जहाँ उनले जैश–ए–मोहम्मदका लागि तालिम दिने गर्थे ।

भारतीय गुप्तचर संस्थाका अनसार डिसेम्बर ९ तारिखका दिन गाजी आफ्ना साथीहरुसँगै कश्मीर प्रवेश गरेका थिए । उनी अफगानिस्तानमा अमेरिती तथा नेटो सेनाविरुद्ध लडिरहेका थिए । उनी कश्मीर प्रवेश गरेलगत्तै पुलवामालाई आफ्नो अड्डा बनाएका थिए । त्यसपछि उनले आक्रमणकारी आदिल अहमद डारलाई सम्पर्क गरेका थिए ।

आदिललाई कार बम विस्फोट गराउने तालिम गाजीले नै दिएका थिए

सुरक्षा अधिकारीहरुका अनुसार आदिल अहमद डारलाई बम विस्फोट गराउने पुरै तालिम गाजीले नै दिएका थिए । भारतीय सैनिक अधिकारीहरुका अनुसार आदिल अहमद डारले सी ग्रेडको कार बम विस्फोटको तालिम गाजीसँगै लिएका थिए ।

अन्तिम अपडेट: मंसिर ९, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्