साउदी राजकुमारलाई पाकिस्तानको सम्मान : आकाशमै सेनाको जहाजद्वारा स्कर्टिङदेखि निशान–ए–पाकिस्तानसम्म

 फागुन ७, २०७५ मंगलबार ९:३८:२ | एजेन्सी
unn.prixa.net

चार दिनको क्षेत्रीय भ्रमणमा निस्केका साउदी अरबका राजकुमार मोहम्मद बिन सलमानलाई पाकिस्तानले भव्य स्वागत तथा सम्मान गरेको छ । 

पाकिस्तानी आकाशमा प्रवेश गरेलगत्तै सुरु भएको राजकुमारको स्वागत पाकिस्तानको सर्वोच्च नागरिक सम्मान प्रदानसम्म थियो । 

आइतबार पाकिस्तान आउँदै गर्दा उनको शाही विमानलाई पाकिस्तानी आकाशमा पाकिस्तानी एयर फोर्सका जहाजले स्कर्टिङ गरेको थियो । पाकिस्तान एयर फोर्सका जेएफ–१७ र एफ–१६ सैन्य जहाजले राजकुमारको जहाजलाई स्कर्टिङ गरेको भिडियो पाकिस्तानी प्रधानमन्त्री इमरान खानले सार्वजनिक गरेका छन् । 

 

विमानस्थलमै पनि उनको स्वागत गर्न पाकिस्तानी प्रधानमन्त्री इमरान खान, पाकिस्तानी सेना प्रमुख जनरल कमार जावेद बाज्वालगायतका उच्च अधिकारी उपस्थित थिए । 

 

त्यस्तै पाकिस्तानी प्रधानमन्त्री इमरान खानले साउदी राजकुमार मोहम्मद बिन सलमानले साउदी राजकुमारलाई आफै गाडी चलाएर प्रधानमन्त्री निवाससम्म लगेका थिए । यसअघि यूएईका राजकुमार शेख मोहम्मद बिन जायद अल नायनलाई पनि इमरानले आफै गाडी चलाएर निवाससम्म लगेका थिए । 

 

त्यस्तै साउदी राजकुमार सलमानलाई पाकिस्तानी राष्ट्रपति आरिफ अल्वीले सर्वोच्च नागरिक सम्मान ‘निशान–ए–पाकिस्तान’ बाट सम्मानित गरेका छन् । 

त्यस्तै साउदी राजकुमार सलमानकै भ्रमणका क्रममा दुई देशबीच २० अर्ब अमेरिकी डलरको सम्झौता भएको छ । पाकिस्तानको अर्थव्यवस्थालाई बलियो बनाउनका लागि त्यो सम्झौता भएको भनिए पनि कुन–कुन क्षेत्रको विकास हो भन्ने भने खुलाइएको छैन ।

दुई दिने भ्रमणमा रहेका साउदी राजकुमारलाई भव्य स्वागत र सम्मान दिएर पाकिस्तानले साउदीसँग आफ्नो विशेष सम्बन्ध छ भन्ने सन्देश भने दिएको छ । 

पाकिस्तानी भ्रमणपछि साउदी राजकुमार मोहम्मद बिन सलमान मंगलबार भारत भ्रमणमा आउँदैछन् । पाकिस्तानसँगको महत्वपूर्ण सम्झौतापछि भारतसँग कस्तो सम्झौता गर्छन् भन्ने चासो सबैले लिएका छन् । 
 

अन्तिम अपडेट: मंसिर ५, २०८१

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

समाचार

लोकप्रिय

१

आईपीएल इतिहासकै महँगा खेलाडी बने श्रेयस अय्यर, २६ कराेड ७५ लाख भारुमा पञ्जाबमा अनुबन्ध

२

श्रेयस अय्यरकाे रेकर्ड ताेडियाे, लखनउले ऋषभ पन्तलाई २७ कराेड भारुमा अनुबन्ध गर्‍याे

३

अमेरिकामा नवनिर्वाचित राष्ट्रपति ट्रम्पबाट मन्त्रीमन्डल पूर्णता

४

सुनको भाउ फेरि निरन्तर बढ्ने क्रममा : आज एकैदिन तोलामा १ हजार ७ सय रुपैयाँले बढ्यो

विचार

उज्यालो टी भी

वैदेशिक रोजगारीमा जादा सुरक्षित हुने तरिका

मनोपरामर्शले बदलेको जीवन कथा

विदेशबाट श्रीमान् फर्काउने साहस बटुलेका वित्तीय कक्षा सहभागीका कथा

मेरो कथा मेरो भोगाई