बेलायतबाट भागेर आईएस लडाकू बनेकी किशाेरीले जन्माइन् बच्चा, फर्किन चाहन्छिन् आफ्नै घर

फागुन ७, २०७५ मंगलबार १०:३३:२९ | एजेन्सी

सिरियामा इस्लामिक स्टेटमा भर्ती हुनका लागि सन् २०१५ मा बेलातयतबाट भागेकी बंगलादेश मूलकी एक गर्भवती युवतीले बच्चा जन्माएकी छिन् । तर आफ्नो छोराको सुरक्षाको लागि उनी बेलायत फर्किन चाहन्छिन् ।

सन् २०१५ मा उनी १५ वर्षकी उनी बेलायतकै एक विद्यालयमा पढ्दै थिइन् । त्यती बेला नै भागेर सिरियाको आईएसमा भर्ती हुन गइन् । शामिमा बेगम अहिले १९ वर्षकी भइन् ।

युद्धको सूचना दिने एक संवाददाताले शरणार्थी शिविरमा उनलाई भेटाएको थियो र उनी त्यो अवस्थामा गर्भवती थिइन् । र आफ्नो बच्चाको सुरक्षाको लागि उनले आफू घर फर्किन चाहेको बताएकी थिइन् । उनी युद्ध क्षेत्रबाट बाहिरिनको लागि प्रयत्नशिल थिइन्, तर निस्किन सकिरहेकी थिइनन् । अहिले पनि उनी शरणार्थी शिविरमै छिन् ।

उनको परिवारको वकिलले वयान जारी गर्दै शामिमाले शनिबार छोरालाई जन्म दिएको र आमाछोरा दुवै सकुशल भएको बताएका छन् ।

परिवारको वकिल मोहम्मद तस्निम अकुन्जीले योभन्दा पहिला पनि शामिमाले दुई बच्चालाई जन्म दिइसकेको र दुवैकाे मृत्यु भएको तर यो बच्चालाई लिएर उनका परिवार चिन्तित बनेको, जसरी भए पनि बचाउन चाहेको बताएका छन् ।

उनले भनेका छन्, ‘बच्चालाई कुनै खतरा छैन र कानुनी रुपमा शामिमा बेगमलाई बेलायत फिर्ता आउन दिनुपर्छ ।’

बेलायतका संस्कृति मन्त्री जेरेमी राइटले यसको बारेमा आफ्नो विचार राखेका छन्, 'उनलाई फर्केर बेलायत आउन त ठीक हुन्छ तर उनले यहाँ आएर आफूले अहिललेसम्म गरेका कार्यको जिम्मेवारी लिनुपर्ने हुन्छ ।'

बेलायतबाट भागेर आईएस लडाकू बनेकी गर्भवती किशोरी घर फर्किन चाहन्छिन् !

जिहादी बेहुली ती महिलालाई भनिन्छ जसले आफूबाट जन्मेको बच्चाले यस लडाइँलाई अगाडि बढाउन सकोस् भनेर इस्लामी चरमपन्थीसँग विवाह गर्ने निर्णय गरेका हुन्छन् ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्