अवैध रुपमा नेपाल ल्याइँदै गरेको विभिन्न सात प्रकारका भारतीय औषधी बरामद

फागुन ७, २०७५ मंगलबार २०:९:१६ | सुजता सुनुवार

इलाम – भारतबाट अवैध रुपमा नेपालतर्फ ल्याइँदै गरेको विभिन्न सात प्रकारका भारतीय औषधी मंगलबार सिमानाको पशुपतिनगरबाट बरामद गरिएको छ ।

इलाका प्रहरी कार्यालय पशुपतिनगरको टोलीले जिल्लाको सुर्योदय नगरपालिका–२ को बागबिरे भन्ने ठाउँबाट औषधी बरामद गरेको जिल्ला प्रहरी कार्यालय इलामले जनाएको छ ।

प्रहरीका अनुसार डर्मिवक नामको क्रिम एक हजार ७ सय ५० पत्ता, रिलिफ जेल चार सय ३० पत्ता, नेगरोभिट ट्याब्लेट सात सय पत्ता, सेफिक्जाइम ट्याब्लेट चार सय पत्ता, प्यान्टोप्राजोल र डोम्परीडोन ट्याब्लेट दुई हजार पत्ता, ल्याब्मोक्स ट्याब्लेट एक सय ४० पत्ता र थ्रामाडोल हाइड्रोक्लोराइड क्याप्सुल एक हजार सात सय पत्ता बरामद गरिएको जिल्ला प्रहरी कार्यालयका हवल्दार विजय राईले बताउनुभयो ।

यत्तिका मात्रामा रहेका यी औषधीहरु चार वटा कार्टुनमा राखेर नेपाल ल्याउने क्रममा बरामद गरिएको बताइएको छ ।

बरामद भएको औषधी अनुसन्धान र कारबाहीका लागि विराटनगरमा रहेको औषधी व्यवस्था विभागमा बुझाइने जनाइएको छ । यी औषधी कस्ले के उदेश्यका लागि ल्याएका हुन् भन्ने सम्बन्धमा थप अनुसन्धान भइरहेको प्रहरीले बताएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

सुजता सुनुवार

सुजता सुनुवार उज्यालोमा कार्यरत हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्