भ्रष्टाचार मुद्दामा चिनियाँ सेनाका पूर्व प्रमुखलाई आजीवन कारावासको सजाय

फागुन ८, २०७५ बुधबार २१:२५:८ | एजेन्सी

भ्रष्टाचार प्रकरणमा चिनियाँ सेनाका पूर्व प्रमुखलाई आजीवन कारावासको सजाय सुनाइएको छ ।

चिनियाँ जनमुक्ति सेनाका पूर्व प्रमुख फाङ फेङ्घुईलाई भ्रष्टाचार गरी अकूत सम्पत्ति कमाएको भन्दै आजीवन कारावासको सजाय सुनाइएको चिनियाँ सञ्चार माध्यमले जनाएका छन् ।

६७ वर्षीय पूर्व सेना प्रमुख फाङ चिनियाँ राष्ट्रपति सि जिनपिङ र अमेरिकी राष्ट्रपति डोनाल्ड ट्रम्पबीच सन् २०१७ मा भएको पहिलो भेटमा पनि उपस्थित थिए ।

चिनियाँ राष्ट्रपति जिनपिङको भ्रष्टाचारविरुद्धको कडा अभियानअन्तर्गत नै चीनमा उच्च पदस्थ अधिकारीहरु जेल परिरहेका छन् । राष्ट्रपतिको अभियान विशेषगरी विश्वकै ठूलो र आधुनिक मानिने चिनियाँ सेनामा शुद्धिकरण ल्याउने प्रयास मानिएको छ ।

चिनियाँ सेनाका पूर्व प्रमुख फाङ सन् २०१७ देखि सार्वजनिक रुपमा देखिएका थिएनन् । उनले सन् २०१७ मै चित्तबुझ्दो स्पष्टीकरण नदिएका कारण पदबाट हात धुनु परेको थियो । उनी शक्तिशाली मानिने सेन्ट्रल मिलिटरी कमिसनका सदस्य पनि थिए । उनलाई गएको वर्ष मात्रै सैनिक अदालतमा ट्रायल सुरु हुनुभन्दा पहिला कम्युनिष्ट पार्टीबाट पनि निष्काशित गरिएको थियो । सिन्ह्वाका अनुसार उनको सबै सम्पत्ति जफत गरिएको छ । तर सम्पत्ति कति हो भन्नेबारे भने केही पनि खुलाइएको छैन ।

सन् २०१२ मा सि जिनपिङ सत्तामा आएपछि झण्डै १० लाख सैनिक अधिकारीलाई कारबाही गरिएको चिनियाँ सरकारले बताएको छ ।

कारबाही भोग्नेहरुका सेन्ट्रल मिलिटरी कमिसनका पूर्व उपाध्यक्ष सु काइहो र गुओ बोक्सिओङसमेत रहेका थिए । ट्रायल सुरु हुनुभन्दा पहिले क्यान्सरका कारण सुको मृत्यु भएको थियो भने सन् २०१६ मा गुओलाई आजीवान कारावासको सजाय सुनाइएको थियो ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

1 Comments

हेम
Feb. 21, 2019, 3:41 a.m.
कानुनको शासन भनेको यही हो
0 Reply

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्

भ्रष्टाचार मुद्दामा चिनियाँ सेनाका पूर्व प्रमुखलाई आजीवन कारावासको सजाय

1 Comments

हेम

तपाईको प्रतिक्रिया

तपाईको प्रतिक्रिया