धुर्मुस सुन्तली फाउण्डेसनमा जागिरको अवसर !

फागुन ९, २०७५ बिहीबार ११:५८:५२ | मनोज दाहाल

काठमाण्डौ – हास्यकलाकार सीतारम कट्टेल ‘धुर्मुस’ र कुन्जना घिमिरे ‘सुन्तली’ ले स्थापना गरेको धुर्मुस सुन्तली फाउण्डेसनमा जागिरका लागि आवेदन खुलेको छ ।

बहुआयामिक अन्तर्राष्ट्रिय क्रिकेट रंगशाला निर्माणमा जुटेको धुर्मुस सुन्तली फाउण्डेसनका लागि विभिन्न २३ वटा शीर्षकमा आवेदन खुलाइएको हो ।

धुर्मुस सुन्तली फाउण्डेसनले खुल्ला गरेको आवेदनमा प्रोजेक्ट म्यानेजर, कन्स्ट्रक्सन म्यानेजर, अफिस म्यानेजर, कम्युनिकेसन म्यानेजर, मार्केटिङ म्यानेजर, एचआर म्यानेजर, फाइनान्स म्यानेजर, प्रोडक्सन म्यानेजर, आईटी म्यानेजर, सोसल मिडिया एक्स्पर्ट, सिभिल तथा आर्किटेक इञ्जिनियर, साइट इञ्चार्ज, इन्टेरियर डिजाइनर, एक्जिक्युटिभ सेक्रेटरी, आईटी अफिसर, पब्लिक रिलेसन अफिसर, क्यामरा पर्सन, एक्जिक्युटिभ असिस्टेन्ट लगायतका २३ शीर्षकमा नेपाली नागरिक भएका तथा अनुभवी व्यक्तिहरुको माग गरेको छ ।

आवेदन भर्न चाहने नेपालीहरुले merojob.com/project-manager-269/ मा गएर आवेदनभर्न सकिने छ । जागिरका लागि आवेदन दिँदा आफूले लिन चाहेको मासिक तलब पनि उल्लेख गर्नु पर्ने बताइएको छ ।

‘नेपालमा अन्तर्राष्ट्रिय क्रिकेट रंगशालाको निर्माणसँगै नेपालीहरुलाई आत्मनिर्भर बनाउनु पनि हाम्रो उद्धेश्य हो, र हामी त्यसैका लागि अघि बढिरहेका छौँ’, धुर्मुस सुन्तली फाउण्डेसनका प्रमुख सीताराम कट्टेल धुर्मुसले भने । ‘यतिबेला हामीले सबै नेपालीहरुबाट सहयोग चाहेका छाैँ, र देश विदेशमा रहनु भएका नेपालीहरुले हामीलाई सहयोग गरिरहनु भएको छ । अझ धेरै सहयोगको आशा राख्दै सबै सहयोगी मनलाई धन्यवाद दिन चाहन्छु’, धुर्मुसले भने ।

चितवनमा निर्माण हुन लागेको अन्तर्राष्ट्रिय क्रिकेट रंगशालाको सहयोगार्थ विभिन्न कार्यक्रमहरुको आयोजना हुँदै आएका छन् । केही समयअघि मात्र धुर्मुस सुन्तली मलेसियामा आयोजना भएको धुर्मुस सुन्तली साँझमा सहभागी भएर नेपाल फर्किएका थिए ।

अन्तिम अपडेट: चैत २५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।