साउदी राजकुमारलाई पाकिस्तानी सांसदले दिए सुनको जलप लगाइएको मेसिनगन उपहार

फागुन १०, २०७५ शुक्रबार ७:५१:४६ | एजेन्सी

विदेश भ्रमणमा गएका बेला उपहार ग्रहण गर्नु प्रतिष्ठित व्यक्तिहरुका लागि कुनै नौलो कुरा होइन । विश्वमा उपहारका रुपमा क्युबाली सिगार र फ्रेन्च वाइन प्रसिद्ध छन् ।

नेपालकै कुरा गर्ने हो भने पनि नेपाल भ्रमणमा आउने उच्चपदस्थ व्यक्तिलाई बुद्धको प्रतिमा उपहार दिने चलन नै रहेको छ ।

तर पाकिस्तानी सांसदको टोलीले साउदी राजकुमार मोहम्मद बिन सलमानलाई दिएको उपहारले भने सबैलाई अचम्ममा पारिदिन्छ ।

गएको आइतबार पाकिस्तानको दुईदिने राजकीय भ्रमणमा आएका राजकुमार सलमानलाई पाकिस्तानका सांसदको एउटा टोलीले सुनको जलप लगाइएको मेसिन गन उपहार दिएको छ । राजकुमार सलमानलाई जर्मन इञ्जिनियरले बनाएको ‘हेक्लर एण्ड कोच एमपी ५’ सबमेसिन गन उपहार दिइएको हो ।

पत्रकार जमाल खशोग्गीको हत्यामा संलग्न भएको आरोप लागिरहँदा हतियार उपहार दिनुले सबैलाई अचम्मा पारेको छ ।

पाकिस्तानले राजकुमार सलमानको सम्मानमा २१ तोपको सलामी दिनुका साथै आकाशमै सेनाको जहाजले समेत स्कर्टिङ गराएको थियो । त्यस्तै पाकिस्तानी राष्ट्रपति अरिफ अल्वीले राजकुमार सलमानलाई पाकिस्तानको सर्वोच्च नागरिक सम्मान ‘निशान–ए–पाकिस्तान’ बाट सम्मानित गरेका थिए ।

त्यस्तै साउदी राजकुमार सलमानकै भ्रमणका क्रममा दुई देशबीच २० अर्ब अमेरिकी डलरको सम्झौता भएको छ । पाकिस्तानको अर्थव्यवस्थालाई बलियो बनाउनका लागि त्यो सम्झौता भएको भनिए पनि कुन–कुन क्षेत्रको विकास हो भन्ने भने खुलाइएको छैन ।

साउदी राजकुमारलाई पाकिस्तानको सम्मान : आकाशमै सेनाको जहाजद्वारा स्कर्टिङदेखि निशान–ए–पाकिस्तानसम्म

दुई दिने भ्रमणमा रहेका साउदी राजकुमारलाई भव्य स्वागत र सम्मान दिएर पाकिस्तानले साउदीसँग आफ्नो विशेष सम्बन्ध छ भन्ने सन्देश भने दिएको छ ।

साउदी राजकुमार मोहम्मद बिन सलमान क्षेत्रीय भ्रमणमा निस्केका छन् । पाकिस्तानपछि भारत आएका उनलाई प्राटोकल तोडेरै भारतीय प्रधानमन्त्री नरेन्द्र मोदी विमानस्थलमा लिन पुगेका थिए ।

राजकुमार सलमान अहिले चीनमा रहेका छन् । चीन साउदी अरबको प्रमुख व्यापारिक साझेदार हो । चीनले साउदी राजकुमारसँग वान बेल्ट रोडका बारेमा छलफल गर्ने सम्भावना रहेको बताइएको छ ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्