नेपाल र भारतका अधिकारीहरुबीच कपिलवस्तुमा सीमा समन्वय बैठक

फागुन १८, २०७५ शनिबार २०:५५:५२ | गोपाल भण्डारी

कपिलवस्तु - कपिलवस्तुसँग सीमा जोडिएको भारतको सिद्धार्थनगर जिल्लाको सुरक्षा अधिकारीहरुसँग कपिलवस्तुको तौलिहवामा शनिबार संयुक्त समन्वय बैठक सम्पन्न भएको छ ।

तौलिहवामा रहेकाे सशस्त्र प्रहरी बल सीमा सुरक्षा कार्यालयमा सम्पन्न बैठकमा दुई देशको सीमा व्यवस्थापन, अन्तर सीमा अपराध नियन्त्रण, सीमा क्षेत्रमा हुने चोरी तस्करी नियन्त्रण लगायतको विषयमा छलफल गरिएको छ ।

यसै गरी भारतमा आउँदो मार्च महिनामा हुन लागेको आम निर्वाचनमा सीमा क्षेत्रमा हुन सक्ने घुसपैठ र अपराध नियन्त्रणका विविध पक्षमा समेत बैठकमा छलफल गरिएको सशस्त्र प्रहरी सीमा सुरक्षा कार्यालय कपिलवस्तुका शशस्त्र प्रहरी उपरीक्षक दिपक अधिकारीले बताउनु भयो ।

बैठकमा भारत सिद्धार्थ नगर जिल्लाका डि.एम.कुनाल सिल्कु, प्रहरी प्रमुख डा. धर्मवीर सिंह, एस.एस.बी ४३ बटालियनका कमाण्डेन्ट जनार्दन प्रसादको उपस्थिति रहेको थियो ।

यसै गरी नेपालका तर्फबाट कपिलवस्तुका प्रमुख जिल्ला अधिकारी अर्जुन पोखरेल, सहायक प्रमुख जिल्ला अधिकारी रामेश्वर अर्याल, प्रहरी उपरीक्षक अच्युतम पुडासैनी, शशस्त्र प्रहरी उपरीक्षक दिपक अधिकारी, राष्ट्यि अनुसन्धानका निमित्त जिल्ला प्रमुख विनय चर्तुवेदी र रुपन्देहीका शशस्त्र प्रहरी उपरीक्षक बसन्त कुमार बोगटीको उपस्थिति रहेको थियो ।

नियमित रुपमा दुवै सीमावर्ती दुवै देशमा गरिने यस्ता बैठकबाट सीमा क्षेत्रमा आइपर्ने विवाद नियन्त्रण, सीमा सुरक्षा र अपराध नियन्त्रणमा सहयोग पुग्ने अपेक्षा गरिएको प्रहरी उपरीक्षक अच्युतम पुडासैनीले बताउनु भयो ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

गोपाल भण्डारी

गोपाल भण्डारी कपिलवस्तुका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्