जन्मकैदको सजाय पाएका रेशम चौधरीको सांसद पद गुम्ने

फागुन २२, २०७५ बुधबार १५:२६:१६ | उज्यालो सहकर्मी

काठमाण्डौ – प्रतिनिधिसभा सदस्य रेशमलाल चौधरीलाई कैलाली जिल्ला अदालतले जन्मकैदको फैसला सुनाएसँगै उनको सांसद पद गुम्ने भएको छ ।

नेपालको संविधानको धारा ८७ मा नैतिक पदन देखिने फौजदारी कसूरमा सजाय पाएका व्यक्ति प्रतिनिधिसभा सदस्यका लागि अयोग्य हुने उल्लेख छ ।

चौधरीलाई कैलालीले टीकापुरमा २०७२ भदौ ७ गते भएको हत्याकाण्डको मुख्य अभियुक्त भन्दै अदालतले जन्मकैदको फैसला सुनाएसँगै उनको सांसद पद गुम्ने भएको हो ।

चौधरीलाई मुलुकी ऐन ज्यानसंम्बन्धी महलको दफा १३ को उपदफा (३) बमोजिम जन्मकैद हुने फैसला अदालतले सुनाएको हो ।

चौधरीले निर्वाचित भएको एक वर्षपछि गएको पुस १९ गते संसदको सपथ लिएका थिए । हत्या आरोपमा जेलमै रहेका चौधरीलाई राष्ट्रिय जनता पार्टीको दबाबमा सरकारले सपथको वातावरण बनाएको थियो ।

सपथ लगत्तै पुनः जेल गएका चौधरीलाई कैलाली जिल्ला अदालतले आज जन्मकैदको फैसला सुनाएको हो । टीकापुर घटनामा चौधरीसँगै १२ जनालाई अदालतले जन्मकैदको फैसला सुनाएको छ ।

त्यही घटनामा संलग्न रहेको भनिएका लक्ष्मण चौधरी, लाहुराम चौधरी लगायतलाई तीन वर्ष कैद फैसला सुनाएकाले उनीहरु आजै रिहा भएका छन् । उनीहरुले कैद सजाय भुक्तान गरिसकेकाले आजै रिहा गर्न पनि अदालतले आदेश दिएको हो ।

न्यायाधीश परशुराम भट्टराईको एकल इजलासले चौधरीसहित ११ जनालाई दोषी ठहर गरेको हो ।

टीकापुर घटना : सांसद रेशम चौधरीसहित ११ जनालाई जन्मकैद

२०७४ मंसिर २१ गते भएको प्रतिनिधिसभा चुनावमा चौधरीले कैलाली क्षेत्र नम्बर एकमा वाम गठबन्धनबाट तत्कालीन एमाले उम्मेद्वार मदनकुमारी शाह (गरिमा) लाई फराकिलो मतान्तरले पराजित गरेका थिए ।

जिल्ला अदालतले चौधरीलाई टीकापुर घटनामा संलग्न रहेको पुष्टि गर्दै जन्मकैदको सजाय सुनाए पनि संसदका लागि अयोग्यसम्बन्धी अन्तिम निर्णय भने सर्वोच्च अदालतको संवैधानिक इजलासले गर्ने संविधानमा उल्लेख छ ।

संविधानको धारा ९० मा संघीय संसदको कुनै सदस्य अयोग्य छ वा हुन गएको छ भन्ने प्रश्न उठेमा त्यसको अन्तिम निर्णय सर्वोच्च अदालतको संवैधानिक इजलासले गर्नेछ भन्ने उल्लेख छ ।

अब जिल्ला अदालतले फैसला दिइसकेकाले सर्वोच्च अदालतको संवैधानिक इजलासले यसको अन्तिम निर्णय दिने छ । चौधरीलाई पनि जिल्ला अदालतको फैसला चित्त नबुझे उच्च अदालतमा फैसला पुनरावलोकनका लागि जाने बाटो भने खुल्लै छ ।

तर अहिले जिल्ला अदालतले आरोप पुष्टि गर्दै सजाय नै तोकेकाले उनको पद भने गुम्ने छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्