तातोपानी कुण्डमा डुबेर शरीर र मनको मैलो पखालियो, पार्टीलाई शुद्दीकरण गरौं: नेता पौडेल

फागुन २५, २०७५ शनिबार २०:२३:४७ | प्रताप बानियाँ

म्याग्दी – नेपाली कांग्रेसका सभापति एवं पूर्वप्रधानमन्त्री शेरबहादुर देउवाले एक वर्षको अवधिमा वर्तमान सरकारले केही पनि काम नगरेको बताउनुभएको छ ।

नेपाली कांग्रेस म्याग्दीको बिपी स्मृति भवनको उद्घाटन र बेनीमा आयोजित आमसभालाई सम्बोधन गर्दै उहाँले एक वर्षमा सरकारले एउटा पनि काम गर्न नसकेको बताउनुभएको हो ।

सभापति देउवाले चुनावमा विभिन्न आश्वासनहरु बाँडेर कम्युनिष्टले चुनाव जिते पनि गएको एक वर्षमा जनताको पक्षमा काम नगरेको आरोप लगाउँदै केपी ओली नेतृत्वको सरकारले काम गर्ने शैली सुधार नगरे नेपाली कांग्रेस आन्दोलनमा जान बाध्य हुने बताउनुभयो ।

उहाँले देशमा भ्रष्टाचार बढेको, हत्या हिंसा लुटपाट र बलात्कारका घटनाहरु दिनानुदिन बढिरहेको भए पनि सरकारले केही गर्न नसकेको भन्दै कम्युनिष्ट सरकारविरुद्ध देशैभर आन्दोलन गर्ने चेतावनी दिनुभयो ।

सोही आमसभालाई सम्बोधन गर्दै नेपाली कांग्रेसका वरिष्ठ नेता रामचन्द्र पौडेलले वर्तमान सरकारले १ वर्षमा विकासको जग नभई भ्रष्टाचारको जग बसालेको आरोप लगाउनुभयो ।

उहाँले देशमा भ्रष्टाचार मौलाउँदै गएको, वाइडबडी विमान खरिद प्रकरण सेलाएको र ३३ किलो सुनकाण्ड कता हरायो ? भनेर सरकारलाई प्रश्न गर्दै सुनकाण्डमा सानालाई कार्वाही गरेको र ठूला मान्छेहरु दुलाभित्र पसेर बसेको बताउनुभयो ।

नेता पौडेलले पार्टी सभापति देउवाप्रति लक्षित गर्दै तातोपानी कुण्डमा नुहाएर शरिरको मैलो र मनको मैलो पखालिएको हुँदा पार्टीलाई एकताबद्ध बनाएर अगाडि बढाउनुपर्ने बताउनुभयो

नेपाली कांग्रेसका प्रवक्ता एवं युवा नेता विश्वप्रकाश शर्माले कांग्रेस नेतृत्वको सरकारको पालामा सुरुवात गरिएका कामलाई अहिलेको सरकारले आफूले गरेको भनेर गलत प्रचार गरेको बताउनुभयो ।

उहाँले अहिले कुनै किसिमको बाधा व्यवधान नभए पनि सरकारको कामले गति लिन नसकेको भन्दै उहाँले बहुमतले शासन गर्दैगर्दा विवेक प्रयोग गर्न नसके दुर्घटना हुनसक्ने बताउनुभयो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

प्रताप बानियाँ

म्याग्दीमा बसेर पत्रकारिता गर्ने प्रताप बानियाँ उज्यालोका जिल्ला सम्वाददाता हुनुहुन्छ । उहाँले मुस्ताङका खबर पनि सम्प्रेषण गर्नुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्