सरकारले विज्ञापन नदिएको विरोधमा कश्मीरी अखबारले खाली छाडे फ्रन्ट पेज

फागुन २७, २०७५ सोमबार १४:३७:५० | एजेन्सी

कश्मीर राज्यका ठूला अखबारले सरकारद्वारा विज्ञापन नदिएको भन्दै विरोध गरेका छन् । ग्रेटर कश्मीर र कश्मीर रिडर अखबारले बिना कुनै स्पष्ट कारण राज्यद्वारा विज्ञापन दिन बन्द गरेकाे भन्दै आफ्नो पत्रिकाको फ्रन्ट पेज नै खाली गरेका हुन् ।

जम्मू-कश्मीर सरकारद्वारा कुनै कारण स्पष्ट नगरी दुई अखबारलाई विज्ञापन नदिएकाे विराेधमा कश्मीर घाटीमा प्रकाशन हुने अन्य अखबारले पनि आफ्नो पहिलो पेज खाली छोडेका छन् ।

गएकाे महिना कश्मीरका स्थानीय पत्रिकाका सम्पादकहरुको समूह, एडिटर्स ग्रेटर गिल्ड (केईजी)ले राज्य सरकारले घाटीका दुई प्रमुख स्थानीय अखबारलाई विज्ञापन नदिएकाे दाबी गरेका थिए । विराेध गर्दै यहाँका अंग्रेजी र उर्दू अखबारले आइतबार आफ्नो पहिलो पेज खाली राखेका छन् ।

पहिलो पेजमा केईजीको सूचना छापिएको छ, जसमा सरकारद्वारा बिना स्पष्ट कारण ग्रेटर कश्मीर र कश्मीर रिडरलाई विज्ञापन दिन अस्वीकार गरेको विरोधमा लेखिएको छ ।

केईजीका एक प्रवक्ताले भनेका छन्, ‘ मिडियालाई बर्बाद गर्ने सरकारको यस कदमको विरोध गर्न शनिबार हामीले यस्तो निर्णय गरेका हौँ ।’

गिल्डले जम्मू-कश्मीरका सूचना निर्देशकले मौखिक जानकारी दिँदै सरकारले यी अखबारलाई विज्ञापन नदिने निर्णय गरेको बताएका छन् । यस प्रकारको हस्तक्षपले पत्रकारितालाई प्रभावित पार्ने भन्दै यो निर्णय लोकतन्त्रको विरुद्धमा भएको बताएका छन् ।

हुन त यो पहिलो घटना भने होइन । कुनै मुद्धामा अखबारले सरकारसँग असहमति जनाउँदा पहिले पनि सरकारले अखबारलाई विज्ञापन दिन रोक लगाउने गरेको थियो । तर सरकारको यस्तो निर्णयको विरोध गर्न पुरै कश्मीर घाटीका अखबारहरु एकजुट भएको भने यो पहिलो पटक हो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्