सोलु करिडोरमा विप्लवकाे चन्दा आतंक, आयाेजनाकाे काम प्रभावित

फागुन ३०, २०७५ बिहीबार १७:१३:५१ | शिव ढुंगाना

ओखलढुंगा – केन्द्रीय विद्युत प्रसारण आयोजना सोलु करिडोरमा नेत्र विक्रम चन्द विप्लव नेतृत्वको नेकपाका कार्यकर्ताले चन्दा माग्न थालेपछि आयोजनाको काम सञ्चालन गर्न कठिन भएको छ ।

वन क्षेत्रको उपयोग र मुआब्जाको विषयमा टुंगो नलागेपछि आयोजनाको काम प्रभावित भइरहेको अवस्थामा विप्लवका कार्यकर्ताले चन्दा आतंक मच्चाएको आयोजनाले जनाएको छ ।

आयोजनाको निर्माण स्थलमा पुगेर चन्दा माग्न थालेको आयोजना प्रमुख जनार्दन प्रसाद गौतमले बताउनुभयो । उहाँले सोलुखुम्बुको काम भइरहेको क्षेत्रमा विप्लवका कार्यकर्ताले चन्दा माग्न थालेको जानकारी दिनुभयो ।

सिरहाको मिर्चैयादेखि सोलुखुम्बुसम्म निर्माण भइरहेको १३२ केभी विद्युत प्रसारण आयोजना ओखलढुंगा हुँदै सोलुखुम्बु पुग्नेछ । पहिलो चरणमा मुआब्जाको काम सकिए पनि वन क्षेत्र प्रयोग गर्ने विषयमा टुंगो नलाग्दा काम प्रभावित भएको थियो ।

वन क्षेत्रको प्रयोगसम्बन्धी विषय मन्त्रिपरिषद्मा पुगेर अड्किएको छ । ओखलढुंगा र सोलुखुम्बुमा गरी १५ ओटा सामुदायिक वनको क्षेत्र आयोजनाले प्रयोगमा ल्याउनेछ ।

राष्ट्रिय प्रथामिकता प्राप्त यो आयोजना विप्लवका कारण थप प्रभावित हुने अवस्था आएको आयोजना प्रमुख गौतमले बताउनुभयो । उहाँले केही दिनदेखि चन्दा माग गर्ने काम भइरहेको गुनासो गर्नुभयो ।

कार्यस्थलमै चन्दा माग गर्न थालेपछि आयोजनाका काम अवरुद्ध हुने भन्दै सरोकारवालाले ध्यान दिनुपर्ने पनि गौतमको भनाइ छ ।
सरकारले सन् २०१९ भित्र उक्त आयोजना सम्पन्न गर्ने लक्ष्य लिएको थियो ।

लक्ष्य अनुसार प्रसारण लाइन निर्माण सम्पन्न नभएमा सोलुखुम्बुको सोलु खोलामा निर्माण भइरहेका ६ ओटा २१७.५ मेगावाट क्षमताका जलविद्युत आयोजनालाई नेपाल विद्युत प्राधिकरणले ४५ प्रतिशतसम्म हर्जाना तिर्ने प्रतिबद्धतासहितको विद्युत खरिद सम्झौता गरेको थियो ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्