तामिलनाडु : यौन उत्पीडनको भिडियो बनाउने यो समूह

चैत १, २०७५ शुक्रबार १०:५२:४९ | एजेन्सी

भारतीय सोसल मिडियामा एउटा भिडियो तीब्र रुपमा फैलिरहेको छ । उक्त भिडियोमा एक युवती रोइ कराई गरिरहेकी छिन् । उनी आफ्ना ‘प्रेमी’ र उनका साथीसँग यौन उत्पीडन नगर्न आग्रह गरिरहेकी छिन् ।

यो घटना दक्षिण भारतको तामिलनाडुको कोयंबतुर जिल्लाको हो । यस घटनामा संलग्न रहेका चार अभियुक्तको नाम सार्वजनिक भएको छ – वसन्त कुमार, सबरीश, सतिश र तिरुनावकरसु । तिरुनावकरसुलाई मुख्य अभियुक्तका रुपमा हेरिएको छ । यी चारै अभियुक्तलाई पुलिसले पक्राउ पनि गरिसकेको छ ।

यी चारैजना पोल्लाची शहरमा बस्दै आएका छन् । उनीहरुविरुद्ध सामाजिक सञ्जालमार्फत युवतीसँग साथी बन्ने र उनीहरुलाई सुनसान ठाउँमा लगेर यौन उत्पीडनको भिडियो बनाउने गरेको र भिडियो सार्वजनिक गर्ने धम्की दिएर ब्ल्याकमेल गर्ने गरेको आरोप लागेको छ ।

पीडितको भिडियो सामाजिक सञ्जालमा सार्वजनिक भएपछि उनका भाइले पोल्लाची पुलिस चौकीमा उजुरी दिएका थिए । घटनाका बारेमा पीडितका भाइले उजुरी दिएपछि पीडितका भाइलाई केही मानिसहरुले हमला गरेका थिए । हमला गर्नेमध्ये वसन्त कुमार, सेन्तिल र नागराजलाई पनि पुलिसले पक्राउ गरेको छ ।

पुलिसले दिएको जानकारी अनुसार उनीहरुले अभियुक्तबाट चारओटा मोबाइल फोन जफत गरेका छन् जसमा चार महिलाको यौन उत्पीडनको भिडियो भेटिएको छ । तिरुनावकरसु आफ्नो महिला साथीकै कारण कयौँ पटक पुलिसबाट बचेका छन् । पुलिसले ती महिलाको पहिचान भने खुलाएको छैन ।

अन्तिम अपडेट: मंसिर ६, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्