अस्पताल परिसरमा यस्तो बोर्ड : यहाँ जाँड रक्सी पाइँदैन

चैत १, २०७५ शुक्रबार १४:५०:२७ | शिव ढुंगाना

ओखलढुंगा– सिद्धिचरण नगरपालिका वडा नम्बर ११, सोब्रुको ओखलढुंगा सामुदायिक अस्पताल र विद्यालय परिसरमा रक्सी प्रतिबन्ध लगाइएको छ ।

रक्सी तथा सुर्तीजन्य पदार्थ सेवन तथा कारोबारमा प्रतिबन्ध लगाइएको हो । अस्पताल, विद्यालयलगायत आसपासको ५ सय मिटर वरपर सुर्तीजन्य तथा रक्सीको विक्री वितरणमा रोक लगाइएको छ । जिल्ला प्रहरी कार्यालय र ओखलढुंगा सामुदायिक अस्पतालस्थित लालुपाते क्लबले संयुक्त रुपमा यस्तो घोषणा गरेका हुन् ।

बुधबार सोब्रुका १३ वटा होटल तथा पसलहरुलाई सुर्ती चुरोट तथा जाँडरक्सी किनबेच गर्न रोक लगाइएका बोर्ड वितरण गरिएको ओखलढुंगा प्रहरी नायव उपरीक्षक पुष्पराज मल्लले बताउनुभयो । उहाँले हिसांका प्रमुख कारण जाँडरक्सी भएको बताउँदै प्रतिबन्धले हिंसामा कमी आउने बताउनुभयो ।

त्यस्तै अस्पताल वरपरका स्थानमा त्यस क्षेत्रलाई जाँडरक्सी निषेधित क्षेत्र लेखिएका ३ वटा बोर्डसमेत राखिएको छ । यस क्षेत्रमा लालुपाते क्लबले २०६५ सालदेखि जाँड रक्सीको लत छुटकारा गराउन विभिन्न क्रियाकलापहरु गर्दै आएको छ ।

अन्तिम अपडेट: मंसिर ३, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्