अमेरिकामा एकसाथ जन्मिए ६ शिशु: अस्पताल भन्छ- सबै शिशु स्वस्थ छन्

चैत २, २०७५ शनिबार १८:५५:३६ | एजेन्सी

टेक्सासको ह्युस्टनमा एक महिलाले ६ बच्चालाई एकसाथ जन्म दिएकी छिन् । न्युज एजेन्सी भाषाका अनुसार विश्वभरि ४ दशमलव ७ अर्ब डेलिभरीमा यस्तो घटना एकपटक मात्र हुन्छ ।

यी महिलाले अमेरिकाको ‘द विमिन्स हस्पिटल अफ टेक्सास’ मा ६ बच्चालाई जन्म दिएकी हुन् । अस्पतालले बताएअनुसार थेलमा चाइका नाम गरेकी ती महिलाले शुक्रबार बिहान ४ बजेर ५० मिनेट देखि ४ बजेर ५९ मनिेटको बीचमा ४ छोरा र २ छोरी गरी ६ बच्चालाई जन्म दिएकी थिइन् ।

अस्पतालको रिपोर्ट अनुसार सबै शिशुहरु स्वस्थ छन् र शिशुहरुको तौल ७ सय ९० ग्राम देखि १ दशमल ३ किलोसम्म छ । उनीहरुको अवस्था सामान्य रहेको र अहिले अस्पतालको सघन उपचार केन्द्रमा उनीहरुलाई राखिएको छ ।

थेलमाले आफ्नी छोरीहरुको नाम जीना र जुरियल राखिसकेकी छन् तर चार छोराहरुको नाम भने राख्न बाँकी नै छ ।

एकैपटक सात बच्चाकाे पनि जन्म भएकाे थियाे

केही समय पहिले इराकमा पनि एक महिलाले एकैपटक ७ बच्चा जन्माएकी थिइन् । त्यतिबेला उनको उमेर मात्र २५ वर्षको थियो । उनले एकैपटक ६ छोरी र एक छोरालाई जन्म दिएकी थिइन् ।

त्यतिबेला बच्चाका बुवा युसेफ फैदलले ठूलो परिवार त चाहेको थिएन तर अब १० बच्चाहरुको हेरचाह गर्नुपर्ने भयो भनेका थिए । तर एकैसाथ सात जीवित बच्चालाई जन्म दिएको पहिलाे घटना भने सन् १९९७ मा अमेरिकाको लोवा राज्यमा भएको थियो ।

अन्तिम अपडेट: मंसिर ७, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्