नेदरल्याण्डकाे यूट्रेख्ट शहरमा ट्रलीबसमा एक जना व्यक्तिले अन्धाधुन्ध गाेली चलाउँदा  एक जनाको ज्यान गएको छ ।

प्रहरीले अहिले त्यो क्षत्रलाई आफ्नो घेरामा लिएका छन् । राहतकर्मीहरु घटनास्थलमा पुगीसकेका छन् । सरकारी अधिकारीले बन्दुकधारी अहिले पनि निस्फिक्री घुमिरहेको बताएका छन् ।

आतंकनिरोधी प्रहरीले यसलाई आतंकवादी घटना जस्तै भएको बताएका छन् । नेदरल्याण्डको आतंकवाद निरोधी संगठनका समन्वयकर्ता स्थानीय प्रशासनको सम्पर्कमा छन् । र सहरमा उच्चस्तरीय खतरा घोषित गरिएको छ ।

प्रहरीले स्थानीयहरुलाई सडकमा नआउन आग्रह गरिरहेका छन् । यसका साथै सर्वसाधारणलाई घरमै रहन र विद्यालयको झ्यालढोका बन्द गर्न आदेश दिएको छ । अहिले यूट्रेख्ट सेन्ट्रल रेलवेबाट ट्रेनको आवतजावतलाई पनि बन्द गरिएको छ ।

नेदरल्याण्ड्सका प्रधानमन्त्री मार्क रुटेले यस घटनाबाट आफू मर्माहित भएको बताएका छन् । उनले पूर्वनिर्धारित आफ्ना सबै कार्यक्रमहरु रद्ध गर्न लगाएका छन् ।

कतिबेला भयो यस्तो हमला ?

प्रहरीका अनुसार गोलीकाण्डको यो घटना स्थानीय समयअनुसार बिहान १० बजेर ४५ मिनेटमा भएको थियो । यस घटनाका एक जना प्रत्यक्षदर्शीले एक व्यक्तिले अचानक फायरिङ गर्न सुरु गरेको बताएका छन् । 

यस्तै एकजना घाइते महिलालाई सहयोग गरिरहेका एक व्यक्तिले भनेका छन्, ‘जब मैले रगतले लतपतिएकी महिलालाई देखेँ, तब मैले उनलाई अस्पताल लग्नकोलागि उठाएर कारमा राख्नै खोज्दा प्रहरी आइपुगे । त्यतिबेलासम्म  उनी बेहोस भइसकेकी थिइन् ।’