एक्स्क्याभेटर दुर्घटनामा हराइरहेका चालकको शव फेला

चैत ६, २०७५ बुधबार १४:१४:३ | शिव ढुंगाना

ओखलढुंगा – एक्स्क्याभेटर दुर्घटनामा हराइरहेका चालकको मानेभञ्ज्यांङ गाउँपालिका-४ मा रहेकाे बालेथाममा बुधबार शव फेला परेको छ ।

सोलु करिडोरको विद्युत प्रसारण लाइन विस्तारका लागि निर्माण गर्न लागिएको टावरको जग खन्ने क्रममा दुर्घटना हुँदा १८ वर्षीय चालक जीवन श्रेष्ठ मंगलबार साँझदेखि हराइरहेका थिए ।

उनको घटनास्थलमै शव फेला परेको प्रहरीले जनाएको छ । करिडोरको टावर (पोल) निर्माण स्थल खन्ने क्रममा ना१क ७७९४ नम्बरको एक्स्क्याभेटर दुर्घटनामा परेको थियो । दुर्घटनासँगै चालक हराइरहेका थिए । एक्स्क्याभेटर मंगलबार साँझ ६ बजे दुर्घटना भए पनि चालकको अवस्था अज्ञात थियो ।

हराइरहेका चालकको शव भने बुधबार बिहान मात्रै फेला परेको प्रहरीले जनाएको छ । आयोजनाका ठेकेदार नआएसम्म स्थानीयले शव उठाउन मानेका छैनन् । एक्स्क्याभेटर सडकबाट ८ सय मिटर तल भीरमा खसेर दुर्घटना भएको जिल्ला प्रहरी कार्यालय ओखलढुंगाका प्रमुख पुष्पराज मल्ले बताउनुभयाे ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्