गुप्त रुपमा १६ सय व्यक्तिको अश्लिल भिडियो बनाउने ४ जना पक्राउ

चैत ७, २०७५ बिहीबार ८:२७:२५ | एजेन्सी

दक्षिण कोरियामा करिब १६ सय व्यक्तिको गुप्त रुपमा भिडियो बनाएको र बेचेको आरोपमा चारजनालाई पक्राउ गरिएको छ ।

होटलको कोठामा राखिएको क्यामेरा, हेयर ड्रायरको होल्डर र सोकेटमा क्यामेरा राखेर उनीहरुले गुप्त भिडियो बनाएको पाइएको छ । उनीहरुले एउटा भिडियोबाट झण्डै ६ लाख ८० हजार नेपाली रुपैयाँसम्म कमाउने गर्दथे ।

दक्षिण कोरियामा यस तरिकाबाट अश्लिल भिडियो बनाउने घटना तीव्र रुपमा फैलिएको थियो । कोरियाली प्रहरीले बीबीसीलाई बताए अनुसार ‘पक्राउ परेका व्यक्तिहरुले गएको वर्ष अगस्टमा दक्षिण कोरियाको १० शहरको ३० छुट्टाछुट्टै होटलमा ११ लेन्स क्यामेरा लगाएका थिए ।’

उनीहरुले नै गएको नोभेम्बर महिनामा एक वेबसाइट बनाइएका थिए जसमा ३० सेकेण्डसम्म भिडियो निःशुल्क देख्न सकिन्थ्यो र पूरै भिडियो देख्न चाहेमा प्रयोगकर्ताले पैसा दिनुपर्थ्याे।

उनीहरुले यमे वेवसाइटमा ८ सय ३ भिडियो पोस्ट गरेका थिए र विदेशमा वेवसाइटको सर्भर बनाएर कानुनबाट बच्ने कोशिश गरेका थिए । प्रहरीका अनुसार, ९७ व्यक्तिले यसका लागि पैसा दिएका थिए, जसबाट ती पुरुषहरुले कमाइ गर्दथे । अहिले यो वेवसाइट बन्द गरिएको छ ।

अश्लिल भिडियो बनाउनु र त्यसको को प्रचारप्रसार गर्नु दक्षिण कोरियामा गैरकानुनी मानिन्छ ।

गुप्त रुपमा भिडियो बनाउने क्रममा आएको तीव्रताको लागि देशको फास्ट इन्टरनेटलाई पनि जिम्मेवार ठहराइएको छ । कतिपय गोप्य भिडियो शौचालय र चेन्जिङ रुप (कपडा बदल्ने ठाउँ) मा बनाइएको छ र त्यस्तो भिडियोलाई बदलाका रुपमा पोस्ट गरिएको पाइएको छ ।

यस्तो घटना सन् २०१२ मा २ हजार ४ सय थियो भने सन् २०१७ मा यो संख्या बढेर ६ हजारभन्दा बढी भएको छ । सन् २०१७ मा गुप्त रुपमा क्यामेरा राख्ने सम्बन्धित अपराधमा ५ हजार ४ सयभन्दा बढी व्यक्तिलाई गिरफ्तार गरिएको र जम्मा २ प्रतिशतभन्दा कमलाई मात्र जेल सजाय भएको थियो ।

यस्तो भिडियो बनाउने विरुद्ध पछिल्लो वर्ष मानिसहरुले राजधानी सोलमा प्रदर्शन पनि भएको थियो । मानिसहरुले यस्तो भिडियो बनाउनेविरुद्ध कडा सजायको माग गर्दै आएका छन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्