आफ्नै इँटा भट्टामा काम गर्ने १७ वर्षीया कामदारलाई बलात्कार गरेको आरोपमा वडा सदस्यविरुद्ध उजुरी

चैत ९, २०७५ शनिबार २०:२५:२२ | शिव ढुंगाना

ओखलढुंगा – लिखु गाउँपालिका वडा नं.-३, नर्मदेश्वरका वडा सदस्य ५० वर्षीय विष्णुभक्त श्रेष्ठविरुद्ध १७ वर्षीया युवतीमाथि बलात्कार गरेको आरोपमा जिल्ला प्रहरी कार्यालय ओखलढुंगामा उजुरी दर्ता भएको छ ।

श्रेष्ठले आफूलाई बलात्कार गरेको भन्दै युवतीले शनिबार जिल्ला प्रहरी कार्यालय ओखलढुंगामा उजुरी दर्ता गरेकी हुन् ।

श्रेष्ठविरुद्ध उनी आफैले सञ्चालन गरेको इँटा कारखानामा काम गर्ने कामदारमाथि बलात्कारको उजुरी परेको जिल्ला प्रहरी कार्यालय ओखलढुंगाका प्रहरी निरीक्षक राजीव श्रेष्ठले बताउनुभयो । पीडित बालिकाले शनिबार उजुरी दर्ता गराएको पनि श्रेष्ठले जानकारी दिनुभयो ।

बलात्कारको अभियोग लागेपछि वडा सदस्य श्रेष्ठ फरार रहेको प्रहरीले जनाएको छ । पीडितको उजुरी लिएर आरोपितको खोजी गरिरहेको श्रेष्ठले बताउनुभयो ।

उजुरीमा चैत ७ गते बिहीबार दिउँसो वडा सदस्य श्रेष्ठले बलात्कार गरेको उल्लेख गरिएको छ । युवतीले इँटा भट्टामा दिउँसो सुतिरहेको समयमा आफूमाथि बलात्कार भएको उजुरीमा उल्लेख गरेकी छिन् । उनी पतिसँगै ज्यालादारीमा श्रेष्ठको भट्टामा काम गर्दै आएकी थिइन् ।

प्रहरीले शनिबारै पीडितको जिल्ला अस्पतालमा स्वास्थ्य परीक्षण गराइ अनुसन्धान थालेको जनाएको छ ।

अन्तिम अपडेट: मंसिर ८, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

शिव ढुंगाना

शिव ढुंगाना ओखलढुंगाका उज्यालो सहकर्मी हुनुहुन्छ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्