नीतू कपूरले शेयर गरिन् आलिया रणवीरको तस्बिर, आलियाले स्टेजबाटै रणवीरलाई भनिन् ‘आइ लभ यु’

चैत ११, २०७५ सोमबार ११:३४:१ | एजेन्सी

भर्खरै मात्र सम्पन्न फिल्मफेयर अवार्ड २०१९ मा बलिउड अभिनेता रणवीर कपूरले उत्कृष्ट अभिनेता र अभिनेत्री आलिया भट्टले उत्कृष्ट अभिनेत्रीको पुरस्कार जितेका छन् । अहिले एक अर्कालाई डेट गरिरहेका आलिया र रणवीर एकसाथ यसरी अवार्ड जित्दा निकै नै खुसी छन् ।

रणवीर र आलियाको यो खुसी उनीहरुसम्म मात्रै सीमित छैन । यि दुवैका परिवार पनि त्यतिकै खुसी भएका छन् । यस कुराको पुष्टि अभिनेता रणवीर कपूरकी आमाको इन्स्टाग्रामको पोष्टले गरेको छ । नीतु कपूर छोरा रणवीर कपूर र आफ्नी हुनेवाला बुहारी आलियाले उत्कृष्ट अभिनेता तथा अभिनेत्रीको अवार्ड जित्दा निकै खुसी छिन् ।

नीतू कपूरले फिल्मफेयर अवार्ड कार्यक्रमको स्टेजमा रणवीर र आलियाले अवार्ड लिएर एकसाथ उभिएर खिचेको तस्बिर शेयर गर्दै यि दुबैको जोडीलाई बधाई दिएकी छिन् । नीतू कपूरले क्याप्सनमा लेखेकी छिन् ‘यो पल देखेर सबै तनाव बिर्सिएकी छु । धेरै बधाई, निकै खुसी र गर्व महसुस गरिरहेकी छु ।’

View this post on Instagram

AND moments like these make you forget all the stress 🥰 congratulations so proud n happy #filmfareawards #bestactor#bestactress 💕💕💕💕💕💕💕💕💕

A post shared by neetu Kapoor. Fightingfyt (@neetu54) on Mar 23, 2019 at 7:22pm PDT

नीतू कपूर यतिबेला उनका पति तथा अभिनेता ऋषि कपूरको उपचारको लागि अमेरिकामै छिन् । ऋषि कपूर लामो समयदेखि उपचारका लागि अमेरिकामै छन् । तसर्थ केही समय अघि रणवीर कपूर प्रेमीका आलिया भट्टलाई लिएर बुवा ऋषि र आमा नीतुकासाथ नयाँ वर्ष मनाउन अमेरिका गएका थिए ।

आलियाले स्टेजबाटै रणवीर कपूरलाई भनिन् ‘आइ लभ यु’

फिल्मफेयर अवार्डमा जब आलिया भट्ट उत्कृष्ट अभिनेत्रीको अवार्ड लिन स्टेजमा गइन् त्यहाँबाट उनले फिल्मकी निर्देशक मेघना गुल्जारलाई धन्यवाद दिइन् । साथै आलियाले करण जोहर र फिल्म ‘राजी’ का सह–अभिनेता विक्की कौशललाई पनि धन्यवाद दिइन् ।

त्यसपछि अन्त्यमा अगाडि रहेका रणवीर कपूरतर्फ इशारा गर्दै आज सबै कुरा प्रेमको नाममा भन्दै रणवीर कपूरलाई ‘आइ लभ यू’ भनेकी थिइन् । त्यसपछि रणवीर कपूरलाई पनि उत्कृष्ट अभिनेताको अवार्ड लिन स्टेजमा बोलाउँदा रणवीरले आलियालाई अंगालो हाल्दै स्टेजमा गएका थिए ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्