अल्जेरियाका राष्ट्रपति अब्देलअजीजलाई शासनका लागि अयोग्य घोषित गर्न माग

चैत १३, २०७५ बुधबार १३:५७:४५ | एजेन्सी

अल्जेरियाका सेनाध्यक्षले राष्ट्रपति अब्देलअजीजको विरुद्धमा कैयौं हप्तादेखि विरोध प्रदर्शन भइरहेको हुँदा राष्ट्रपति अजीजलाई शासन गर्न अयोग्य घोषणा गर्नुपर्ने माग गरेका छन् ।

टेलिभिजनको सम्बोधनमा लेफ्टिनेन्ट जनरल अहमद जी सालेहले भने, ‘यो संकटबाट बाहिर आउनको लागि तत्काल कुनै मार्ग खोज्नुपर्छ, जुन संविधानको दायरामा छ ।’ उनले स्थायी राजनीतिक परिस्थितिको एकमात्र ग्यारेण्टी संविधान नै भएको बताएका छन् ।

उनले संविधानको धारा १०२ तिर पनि इंगित गरेका छन् जस अनुसार राष्ट्रपति शासन गर्न सक्षम नरहेको अवस्थामा संवैधानिक परिषद्ले राष्ट्रपतिको पद खाली भएको घोषणा गर्नसक्छ ।

संविधानको अनुसार, यदि यस्तो भएको अवस्थामा सिनेट प्रमुखलाई चुनाव नभएसम्मका लागि कार्यवाहक राष्ट्रपति बनाइनेछ ।

अल्जेरियाका अधिकतम जनताहरुले पनि ८२ वर्षीय राष्ट्रपति शासन गर्न अयोग्य भएको बताउँदै आएका छन् । ‘जसलाई ६ वर्ष पहिले स्ट्रोक (हृृदयाघात) भएको थियो र मुश्किलले हिँडडुल गरिरहेका छन्, उनले कसरी देशलाई चलाउन सक्छन्,’ उनीहरु भन्छन् ।

राष्ट्रपतिको विरोधमा पछिल्लो महिनादेखि विरोधको कदम चालिएको हो, जुन अहिलेसम्म जारी नै छ ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्