बंगलादेश : २० वर्षीया महिलाले जन्माइन् एक महिनामै तीन बच्चा

चैत १४, २०७५ बिहीबार ११:४०:३७ | एजेन्सी

बंगलादेशमा एउटा यस्तो घटना भएको जसले गर्दा त्यहाँको चिकित्सा जगत र आम मानिस चकित परेका छन् ।

२० वर्षीया एक महिलाले एउटा बच्चा जन्माएको २६ दिन पछि जुम्ल्याहा बच्चा जन्माएकी छिन् । पहिलो बच्चा जन्मदा डाक्टरहरुले पनि उनको पेटमा जुम्ल्याहा बच्चा छन् भन्ने बारेमा थाहा पाउन सकेनन् ।

पहिलो बच्चा जन्मिएको झण्डै एक महिनापछि आरिफ सुल्ताना नामकी यी महिलाले जुम्ल्याहा बच्चाको जन्म दिइन् । अहिले तीनैजना बच्चा र आमा स्वस्थ रहेका छन् ।

उनको उपचारमा संलग्न डाक्टर शीला पोद्दारले एएफपीलाई बताएअनुसार ‘पहिलो बच्चा जन्मिसकेपछि उनलाई आफू गर्भवती रहेको महसुस पनि भएन । २६ दिनपछि उनी बिरामी परिन् र हामीकहाँ आइन् ।’

आरिफ सुल्तानाको पहिलो बच्चा सामान्य रुपमा नै जन्मिएको थियो । तर उनको पहिलो बच्चा समय भन्दा केही अगाडि जन्मिएको थियो ।

चिकित्सकका अनुसार यो दुर्लभ घटना हो । यी महिलाको दुईवटा गर्भाशय थियो । आरिफा शारशाको श्यामलागाछि गाउँमा बस्थिन् ।

बंगलादेशको न्युज वेबसाइट बीडीन्यूज २४ सँग अरिफाका पति सुमोन विश्वासले भनेका छन् ‘पहिलो बच्चा जन्मिएको २६ दिनपछि अरिफा फेरि बिरामी भइन् । उनलाई अस्पताल लगियो त्यसपछि उनले अर्को दुईवटा बच्चा जन्माइन् ।’

डाक्टर शीला पोद्दारका अनुसार दोस्रो पटक आरिफालाई अस्पताल ल्याएपछि उनको अल्ट्रासोनेग्राफी जाँज गरियो । जसमा उनको दुईवटा गर्भाशय रहेको पत्ता लाग्यो ।

पहिलो बच्चा पहिलो गर्भाशय र दोस्रो बच्चा दोस्रो गर्भाशयबाट जन्मिएको थियो । डाक्टर पोद्धार भन्छिन् ‘यो दुर्लभ घटना हो । मैले पहिलो पटक यस्तो भएको देखेँ । यसको बारेमा मैले कहिल्यै सुनेको पनि थिइनँ ।’

तीन बच्चा र महिलालाई मंगलबार अस्पतालबाट घर पठाइएको छ । पहिलो पटक यस्तो घटना सन् २००६ मा बेलायतमा भएको थियो । बेलायतकी एक महिलाले पनि तीन बच्चा जन्माएकी थिइन् । उनको पनि दुईवटा गर्भाशय रहेको पाइएको थियो ।

अन्तिम अपडेट: मंसिर १०, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्