लालु यादवकाे परिवारमा विद्राेह : तेजप्रतापले छाडे आरजेडी, 'लालु-राबडी माेर्चा' गठन

चैत १९, २०७५ मंगलबार १५:३:२४ | एजेन्सी

भारतीय राजनीतिमा कुनै बेला हस्ती रहेका लालुप्रसाद यादवका जेठा छोरा तेजप्रताप यादवले सोमबार पटनामा पत्रकार सम्मेलन गर्दै नयाँ पार्टी खोलेको घोषणा गरेका छन् ।

उनले त्यस पार्टीकोे नाम 'लालु-राबडी मोर्चा' राखेका छन् । साथै उनले जहानबाद र शिवहरबाट आफ्ना उम्मेद्वार उठाउने घोषणा पनि गरे । शिवहरबाट अंगेश कुमार र जहानाबादबाट चन्द्र प्रकाश आफ्नो मोर्चाका उम्मेद्वार हुने उनले बताए ।

उनले सारण क्षेत्रमा लालुको पारम्पारिक सिट रहँदै आएको भन्दै त्यहाँबाट आफ्नी आमा राबडी देवीलाई त्यहाँबाट चुनाव लड्न अनुरोध गरेका छन् । उनले त्यहाँबाट आफ्नी आमाले चुनाव नलडे आफू स्वं त्यहाँको चुनावी मैदानमा उत्रिने पनि बताए ।

सारणबाट आरजेडीले तेज प्रतापका ससुरा चन्द्रिका रायलाई उम्मेद्वार बनाएका छन् । तर आरजेडीसँग अलग भएकोबारे तेजप्रतापसँग पत्रकारले प्रश्न सोध्दा उनले आरजेडी र लालुराबडी मोर्चा एउटै भएको र तेजस्वी त्यो मोर्चाको अर्जुन भएको बताएका छन् ।

तेजप्रताप र तेजस्वीको उमेरको अन्तर एक वर्षको मात्र छ । तेजप्रताप ३० वर्षका भए भने तेजस्वी २९ वर्षका भए । लालुप्रसाद यादवले आफ्ना यी दुइटै छोरालाई सन् २०१३ को पटना परिवर्तन र्‍यालीमा उतारेर राजनीतिमा प्रवेश गराएका थिए ।

सन् २०१५ को बिहार विधानसभा चुनावमा तेजस्वी र तेज प्रताप दुवै चुनावी मैदानमा उत्रेका थिए र दुइटैले जित हात पारेका थिए । त्यतिबेला तेजस्वी बिहारका उपमुख्यमन्त्री र तेजप्रताप स्वास्थ्यमन्त्री बनेका थिए । लालुको यस निर्णयले तेजप्रताप असन्तुष्ट भएको र त्यतिबेला देखि नै उनीभित्र रिसको ज्वाला दन्केको बताइन्छ ।

लालुप्रसाद यादव जेलमा छन् । दुइटै भाइको सम्बन्ध बिग्रिँदै गइरहेको छ । तेज प्रतापले विद्यार्थी आरजेडीको संरक्षक पदबाट पनि राजीनामा दिइसकेका छन् । आफ्ना निकट व्यक्तिलाई आरजेडी दलको टिकट निदएका कारण उनले यस्तो निर्णय गरेका हुन् ।

तेजस्वी यादवले पत्रकार सम्मेलन गर्दै महाठबन्धन उम्मेद्वारीको घोषणा गरेसँगै सम्बन्ध झनै बिग्रिएको हो । आरजेडीको यस घोषणामा पूर्व मन्त्री चन्द्रिका राय सारणबाट बीजेपीका राजीव प्रतापलाई चुनौती दिने बताइएको छ । तर चन्द्रिका रायको लागि टिकट मिल्नु तेज प्रतापको लागि अर्को झट्का भएको मानिएको छ । तेज प्रतापले आफ्नी श्रीमती ऐश्वर्या रायसँग सम्बन्ध विच्छेदको लागि निवेदन दिएका छन् ।

अहिलेको अवस्थामा तेजस्वी लालुप्रसाद यादवका उत्तराधिकारीका रुपमा उदाउँदै छन् । आरजेडीका एकजना प्रवक्ताका अनुसार तेजस्वी स्वाभाविक उत्तराधिकारीको रुपमा स्थापित भयो भने तेजप्रताप सहन सक्ने छैनन् । उनले भने, ‘उनको मनमा आफू जेठो भएकाले यो अवसर आफूले पाउनुपर्छ भन्ने छ । तर नेतृत्व क्षमता उमेरको आधारमा निर्धारित नहुने कुरालाई उनले बुझ्नुपर्ने हुन्छ । लालुजीले एकदमै विवेकपूर्ण निर्णय गर्नुभएको हो यो कुरालाई उनले स्वीकार्नुपर्ने हुन्छ ।’

अन्तिम अपडेट: चैत ३१, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्