जाँड-रक्सी खाएर सवारी चलाएका कारण श्रीलंका टेस्ट टिमका कप्तान दिमुथ करुनारत्नेलाई सात हजार पाँच सय अमेरिकी डलर जरिबाना गराइएको छ ।

करुनारत्नेको एक टेस्टको म्याच फी जरिवाना गराइएको श्रीलंका क्रिकेट बोर्डले जनाएको छ । ‘विश्वकपका लागि तयारी गरिरहेका बेला, यस्तो प्रकारको गतिविधि सह्य हुँदैन,’  श्रीलंका क्रिकेट बोर्डका सचिव मोहन डि सिल्भाले भने ।

विश्वकपको तयारीका लागि श्रीलंकाले ठूलो मात्रामा खर्च गरिरहेको छ । आइतबार बिहान करुनारत्नेले जाँड रक्सी खाएर सवारी चलाउँदा बोरेल्ला ९कोलम्बो नजिक० मा तीन पाङ्ग्रेमा ठोकिएका थिए । तीन पाङ्ग्रे सवारीका चालक भने सामान्य घाइते भएका छन् ।

घटनापछि करुनारत्ने पक्राउ परेका थिए । उनी धरौटीमा रिहा भए पनि उनको सवारी चालक अनुमति पत्र भने निलम्बन गरिएको छ । यो घटनाप्रति करुणारत्नेले भने सामाजिक सञ्जालमार्फत माफी मागेका छन् ।