सुडान : सेनाद्वारा राष्ट्रपति अपदस्थ गरी गिरफ्तार

चैत २९, २०७५ शुक्रबार ७:४०:२६ | एजेन्सी

सुडानमा झण्डै ३० वर्ष सत्तामा रहेका राष्ट्रपति ओमार अल–बाशीरलाई पदच्युत गरेर गिरफ्तार गरिएको रक्षामन्त्रीले बताएका छन् ।

सरकारी टेलिभिजनमा बोल्दै देशको सेनाले अब दुई वर्षे संक्रमणकालको जिम्मा लिने र त्यसपछि निर्वाचन हुने रक्षामन्त्रीले बताए ।

उनले देशमा तीन महिनाको लागि संकटकाल लागू गरिएको पनि जानकारी दिएका छन् ।

कडा शासकका रुपमा चिनिएका बाशीर जसरी सत्तामा आएका थिए बहिर्गमन पनि त्यसरी नै भएको छ ।

सुडानी सेनाद्वारा पदच्युत गरिएका बाशीरको शासनकालमा भएका घटनाहरू यहाँको राजनीतिक परिवर्तनका महत्वपूर्ण पाटाका रूपमासमेत हेर्ने गरिएको छ ।

उनले सन् १९८९ मा कू गरेर सत्ता हत्याएका थिए । अहिले सुडानी सेनाले पनि उनलाई कु नै गरेर हटाइदिएको छ ।

पछिल्लो समयमा झण्डै चार महिनादेखि उनीविरुद्धमा भएको आन्दोलनको आडमा सेनाले उनलाई हटाएको हो । सेनाले अब दुई वर्षमा निर्वाचन गराएर लोकतान्त्रिक प्रक्रिया मार्फत् सत्ता हस्तान्तरण गर्ने जनाएको छ ।

सुडानमा झण्डै ३० वर्ष शासन गरेका बाशीरको जन्म सन् १९४४ जनवरी १ मा होश बान्नागा भन्ने ग्रामीण क्षेत्रमा भएको थियो । यो ठाउँ सुडानको राजधानी खार्तुमदेखि एक सय किलोमिटर टाढा पर्दछ ।

सन् १९७३ मा सैन्य सेवामा प्रवेश गरेका बाशीर एक वर्षपछि अरब र इजरायलको युद्वमा इजिप्टको तर्फबाट लडेका थिए ।

सन् १९८९, जुन ३० मा उनी सुडानी सेनाको ‘ब्रिगेड कमाण्डर’ बनेका थिए । त्यसपछि उनले निर्वाचनबाट गठित लोकतान्त्रिक सरकारलाई मुश्लिमहरुको सहयोगमा अपदस्त गरेर सत्ता हातमा लिएका थिए ।

गएको केही महिनायता राष्ट्रपति बाशीरकाविरुद्ध विरोध प्रदर्शनहरू हुँदै आएका थिए ।

अन्तिम अपडेट: मंसिर २, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्