ट्युनिसियाले पानामालाई हरायो

असार १५, २०७५ शुक्रबार ७:२२:७ | उज्यालो सहकर्मी

समूह चरण अन्तर्गत विहीबार भएको खेलमा ट्युनिसियाले पानामालाई २–१ गोलले हराएको छ । दुवै टोली विश्वकपबाट बाहिरिइसकेको छ ।

यासिन मेरिहाको उपहार गोलमार्फत रुसको मोर्डोभिया रंगशालामा पानामाले अग्रता लिएको थियो । पानामाको प्रहार क्लियर गर्ने क्रममा मेरिहाले आफ्नै पोष्टमा गोल गरेका थिए ।

पहिलो हाफमा एक गोलले पछि परेको ट्युनिसियाले दोस्रो हाफमा २ गोल गरेको थियो । ५१औं मिनेटमा बेन युसुफले बराबरी गोल फर्काउँदा ६६औं मिनेटमा वाहवी खाज्रीले विजयी गोल गरेका थिए ।

विश्वकपको नवप्रवेशी टोली पानामा भने तीनै खेलमा पराजित हुन पुग्यो ।

अन्तिम अपडेट: चैत २५, २०८०

ट्युनिसियाले पानामालाई हरायो

तपाईको प्रतिक्रिया