युक्रेनमा हास्यकलाकारले चुनाव जित्ने स‌ंकेत

वैशाख ९, २०७६ सोमबार ९:३३:० | एजेन्सी

युक्रेनमा हास्यकलाकार भोलोडिमियर जेलेन्सकी राष्ट्रपतीय चुनाव जित्ने देखिएको छ । एक्जिट पोलका अनुसार जेलेन्सकीले ७० प्रतिशतभन्दा बढी मत पाएका छन् ।

तीन हप्ताअघि मतदानको पहिलो चरणमा उनी सबैभन्दा अगाडि थिए । त्यतिबेला ३९ उम्मेद्वार मैदानमा थिए । जेलेन्सकीले सत्तासीन राष्ट्रपति पेट्रो पारोशोन्कोलाई चुनौती दिएका थिए ।

पारोशोन्कोले हार स्वीकार गरेका छन् । राजधानी कीवमा आफ्नो समर्थकलाई सम्बोधन गर्दै उनले राजनीति नछोड्ने बताएका छन् । यस्तै, आफ्नो समर्थकलाई सम्बोधन गर्दै जेलेन्सकीले समर्थकहरुको विश्वास नतोड्ने बताएका छन् ।

एक्जिट पोलकै अनुसार नतिजा आए जेलेन्सकी पाँच वर्षको कार्यकालका लागि राष्ट्रपति पदमा चुनिने अन्तर्राष्टिय संचार माध्यमले जनाएका छन् । यदि एक्जिट पोल नतिजामा परिवर्तन भयो भने जेलेन्सकी पाँच वर्षको कार्यकालका लागि राष्ट्रपति पदका लागि छानिनेछन् ।

युक्रेनका राष्ट्रपतिको देशको सुरक्षा, रक्षा विभाग र विदेश नीतिमा विशेष प्रभाव हुन्छ । एक्जिट पोलका अनुसार निवर्तमान राष्ट्रपति पारोशोन्कोले २५ प्रतिशत मत प्राप्त गर्न सक्छन् । पारोशोन्को सन् २०१४ देखि युक्रेनका राष्ट्रपति हुन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्