श्रीलंकामा श्रृंखलाबद्ध विस्फोट : ज्यान गुमाउनेको संख्या २९० पुग्यो, २४ जना गिरफ्तार

वैशाख ९, २०७६ सोमबार ११:४५:२ | एजेन्सी

श्रीलंकामा आइतबार भएका श्रृंखलाबद्ध विस्फोटमा ज्यान गुमाउनेको संख्या २९० पुगेको छ ।

अहिलेसम्म भएका आठ बम विस्फोटमा २ सय ९० जनाले ज्यान गुमाइसकेका छन् भने झण्डै पाँच सय जना घाइते भएका छन् । ज्यान गुमाउनेहरुमा ३६ जना विदेशी नागरिक पनि रहेका छन् । यो घटनामा २४ जनालाई गिरफ्तार गरिएको बीबीसीले उल्लेख गरेको छ ।

आक्रमणको जिम्मा भने अहिलेसम्म कसैले पनि लिएको छैन । सन् २००९ मा गृहयुद्ध सकिएपछि श्रीलंकामा भएको यो आक्रमण अहिलेसम्मकै ठूलो हो ।

आइतबारको श्रृंखलाबद्ध विस्फोटपछि श्रीलंकामा कर्फ्यू लगाइएको छ । २ सय भन्दा धेरै जनाको ज्यान जाने गरी विभिन्न होटल र चर्चमा आक्रमण भएपछि देशभरी नै कर्फ्यू लगाइएको हो ।

श्रीलंकाली सरकारले आइतबार भएको सिलसिलाबद्ध बम विस्फोटमा आत्मघाती समूहको हात रहेको जनाएको छ । यो घटनाको योजना विदेशमा बनाइएको श्रीलंकाली सरकारले दाबी गरेको छ ।

गिरफ्तार गरिएका सबैजना श्रीलंकाका नागरिक हुन् । गिरफ्तार गरिएकामध्ये कसैको अन्तर्राष्ट्रिय संगठनसँग सम्बन्ध छ कि छैन भनेर जाँच चलिरहेको छ ।

अन्तिम अपडेट: मंसिर ४, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्