बलिउड अभिनेता सनी देवल बीजेपी प्रवेश, पञ्जाबबाट चुनाव लड्ने सम्भावना

वैशाख १०, २०७६ मंगलबार १८:११:५९ | एजेन्सी

बलिउड अभिनेता सनी देवलले बुवा धमेन्द्रलाई नै पच्छ्याँउदै भारतीय जनता पार्टी(बीजेपी) प्रवेश गरेका छन् ।

२ दिन अगाडि बीजेपी अध्यक्ष अमित शाहसँगको भेटघाट पछि सनी देवलले पार्टी प्रवेश गर्ने चर्चा चलेको थियो । तर त्यसबेला सनी देवलले सामान्य भेटघाट मात्रै रहेका बताएका थिए । तर अहिले भने सनी देवलले पार्टी प्रवेश गरेको आधिकारिक खबर सार्वजनिक भइसकेको छ । भारतीय रक्षा मन्त्री निर्मला सीतारमणले सनी देवलले पार्टी प्रवेश गरेको जानकारी गरेकी छिन् ।

सनी देवलले चुनाव लड्ने वा नलड्ने विषयमा कुनै आधिकारिक घोषणा नभए पनि भारतीय मिडियाका अनुसार उनी पञ्जाबको गुरदासपुरबाट चुनाव लड्न सक्ने बताइएको छ ।

सनी देवलका पिता धमेन्द्र पनि बीजेपी नेता थिए । सन् २००४ मा बीजेपीको टिकटबाट धमेन्द्रले लोकसभाको चुनाव लडेका थिए । चुनाव जितेर ५ वर्ष सांसद बनेका धर्मेन्द्र अहिले भने राजनीतिबाट बाहिरिइसकेका छन ।

सनी देवलकी सौतेनी आमा हेमा मालिनी पनि बीजेपीकी सांसद हुन । उनी भारतको मथुराबाट २०१४ मा चुनाव जितेर सांसद बनेकी थिइन् । यस पटक पनि हेमा मालिनी बीजेपीबाटै मथुराको चुनावी मैदानमा उत्रिएकी छिन् ।

अन्तिम अपडेट: मंसिर ५, २०८१

Disclaimer:

उज्यालोका खबर फेसबुक, इन्स्टाग्राम, एक्स ट्वीटर र यूट्युबमा हेर्न तथा उज्यालो रेडियो नेटवर्क ९० मेगाहर्जसँगै देशभरका विभिन्न एफएम रेडियोहरुबाट पनि सुन्न सकिन्छ । उज्यालोमा प्रकाशित तथा प्रसारित सामग्री यस संस्थाको स्वतन्त्र, निष्पक्ष र तथ्यमा आधारित सम्पादकीय नीतिबाट निर्देशित छन् र गल्ती नहोस भन्नेमा सचेतता अपनाएर तयार पारिएका छन् । प्रकाशन र प्रसारण भएका सामग्रीको विषयमा तपाईको गुनासो, प्रतिकृया र सुझावलाई हार्दिक स्वागत गर्दै गल्ती भएको पाईएमा तत्काल सच्याइने जानकारी गराईन्छ । उज्यालोबाट प्रकाशन तथा प्रसारण हुने सामग्रीको प्रतिलिपि अधिकार यस संस्थामा निहीत रहेकोले संस्थाको अनुमति विना समाचारको नक्कल उतार्ने, पुनरुत्पादन, प्रशारण वा फोटोकपी गर्न पाइदैन । कसैले त्यसो गरेमा कानूनी कार्वाही हुन सक्नेछ ।

तपाईको प्रतिक्रिया

नाम (अनिवार्य)

इमेल (अनिवार्य) (गोप्य राखिनेछ)

प्रतिक्रिया दिनुहोस्